Foto: Polisia.kz
Memlekettik kirister komiteti sońǵy ýaqytta azamattarǵa jappai salyq organdarynyń atynanalaiaqtardan habarlama kelip jatqanyn eskertti, dep habarlaidy Ult.kz.
Komitettiń málimetinshe, alaiaqtar taratqan habarlamalarda salyq rejimine kóshý, shuǵyl habarlamalar, aiyppuldarmen qorqytý jáne silteme arqyly ótýdi suraý jazylady.
Alaiaqtardyń maqsaty – halyqty qorqytý, shatastyrý jáne jeke derekterdi nemese aqsha iemdený.
Memlekettik kirister komiteti alaiaqtardyń ailasyna túspeý úshin úsh qarapaiym erejeni este saqtaýdy usyndy
Barlyq resmi habarlamalar tek Salyq tóleýshiniń jeke kabinetine nemese tekserilgen arnalar arqyly keledi (resmi elektrondyq servister, push-habarlamalar jáne 1414 bailanys ortalyǵy).
SMS arqyly keletin eshqandai kodty aitpańyz. Eger bireý "rastaý kody" nemese qupiiasózińizdi surasa — bul 100% alaiaq. Memlekettiń kirister komitetinińqyzmetkerleri mundai derekterdi eshqashan suramaidy.
Siltemelerge ótpeńiz. Eger "salyq organynan" kelgendei kúmándi hatta "tóleý" nemese "tekserý" batyrmasy bolsa — ony birden óshirińiz.
