Janábil Nurahmanuly kólik salyǵyn ótken jyldyń qazan aiynda tólegen. Ekinshi deńgeili banktyń qosymshasy arqyly jańa jyldan keiin taǵy da kólik salyǵyn tóleý týraly habarlama alady. Alǵashqyda abdyrap túsinbei qalǵan ol, kólik salyǵy týraly aqparattardy izdestire bastady.
Belgili bolǵanyndai, biylǵy jyldyń basynan bastap, qazaqstandyqtar biylǵy 1 sáýirge deiin kólik salyǵyn tóleýge tiis habar tarady. Óitkeni biylǵy 2 sáýirden bastap, salyq somasyna árbir kún úshin ósimpul qosylady. Osy oraida «Ult» portaly kólik salyǵy týraly zerttep kórdi.
«Bastapqyda ne bolyp jatqanyn túsingen joqpyn. Salyq tóleýimniń arasy nege jii bolyp ketti dep tańǵaldym. Alaida ekinshi salyqty tólemei turyp, salyq departamentine habarlastym. Osylaisha sáýir aiynan bastap, salyq somasyna árbir kún úshin ósimpul qosylatynyn bildim. Ári kólik salyǵyn qalai esepteý keregin de úirene bastadym. Bul endi ózimiz úshin kerek nárse ǵoi», - deidi Janábil Nurahmanuly.
Osylaisha, almatylyq azamat Salyq kodeksine taiaýda engizilgen ózgeristerge sáikes budan bylai jeke tulǵalar óz menshigindegi múlkine óz betinshe salyqty eseptep, tóleýge mindetteletinin túsinip qaitqan.
Árine, osy oraida memlekettik kirister organy kólik salyǵyn tólep úlgermegen azamattarǵa «salyq pen ósimpul odan ári ulǵaiyp ketpei turǵanda» tólep tastaýǵa keńes beredi.
«Jeke tulǵalar kólik salyǵyn tólemegen jaǵdaida oǵan ósimpul eseptele bastaidy jáne salyq organy salyq tóleýshige habarlama joldaidy. 30 jumys kún ishinde tólep úlgermegen jaǵdaida salyq organy buiryq qabyldap, salyq boryshyn jeke sot oryndaýshylarynyń (JSO) quziretine beredi. Pandemiia kezinde salyq basqarmalaryna halyq kóp jinalmaýy úshin e-Salyq Azamat mobildi qosymshasy iske qosyldy. Sonyń kómegimen jeke tulǵalar óz atyna tirkelgen avtokólikter jaiynda málimet ala alady. Sondai-aq ol arqyly artyq tólengen tólemderdi qaitarýǵa ótinim berý múmkindigi bar. Adamdar «kólik salyǵynan kimder bosatylady?» dep suraidy. UOS ardagerleri jáne oǵan teńestirilgen, I, II, III toptaǵy múmkindigi shekteýli adamdar, «Altyn alqa», «Kúmis alqa» iegerleri kólik salyǵynan bosatylady», – dedi Aqtaý qalasynyń memlekettik kirister basqarmasynyń bólim basshysy Azamat Saǵidýllaev.
Aita keteiik, qazirgi kezde Qarjy ministrliginiń biýdjetti toltyrýǵa jaýapty qurylymy – Memlekettik kirister komiteti (MKK) el arasynda túsindirý jumystaryn júrgizýde. Salyq kodeksine taiaýda engizilgen ózgeristerge sáikes budan bylai jeke tulǵalar óz menshigindegi múlkine óz betinshe salyqty eseptep, tóleýge mindetteledi.
Azamat Saǵidýllaevtyń aitýynsha, kólik salyǵyna bei jai qaraýǵa bolmaidy. Sebebi qazirgi tańda salyq máselesi týyndaǵan jaǵdaida azamattyń esepshottary buǵattalyp, artyq ósimpuldar men aiyppuldardyń bolýy múmkin ekenin eskertedi. Sondyqtan talai júrgizýshi bilmei haldyq dep, aqparattan tys qalǵanyn qalamaitynyn da atap ótti.
Ol úshin, mysaly, MKK resmi saitynda (https://kgd.gov.kz/ru/calc/transports) eseptegish-kalkýliatordy toltyryp, óz mashinańyzdyń salyǵyn óz betińizshe eseptei alasyz.
Esterińizge sala keteiik, biylǵy jyldyń basynan bastap, Qazaqstandyqtar biylǵy 1 sáýirge deiin kólik salyǵyn tóleýge tiis habar tarady. Óitkeni biylǵy 2 sáýirden bastap, salyq somasyna árbir kún úshin ósimpul qosylady. Pandemiia kezinde salyq basqarmalaryna halyq kóp jinalmaýy úshin e-Salyq Azamat mobildi qosymshasy iske qosyldy. Sonyń kómegimen jeke tulǵalar óz atyna tirkelgen avtokólikter jaiynda málimet ala alady. Sondai-aq ol arqyly artyq tólengen tólemderdi qaitarýǵa ótinim berý múmkindigi bar. Adamdar «kólik salyǵynan kimder bosatylady?» dep suraidy. UOS ardagerleri jáne oǵan teńestirilgen, I, II, III toptaǵy múmkindigi shekteýli adamdar, «Altyn alqa», «Kúmis alqa» iegerleri kólik salyǵynan bosatylady.
