QR Salyq kodeksindegi jańashyldyqtar aldyn alý sharalaryn qarastyryp, zańdy jáne jeke tulǵalardyń salyq tóleýin jeńildetýge baǵyttalǵan, dep habarlaidy "Ult aqparat".
Osylaisha, jańa ózgeristerge sáikes, salyq tóleýshilerdi salyq mindettemeleriniń bolýy týraly habardar etetin bolady. Ol úshin azamattar salyq organyna óziniń telefon nómirleri jáne elektrondyq poshta mekenjaiy týraly málimetter usyna alady.
«E-SalyqBusiness» mobildi qosymshasyn qoldaný kásipkerlerdiń salyq mindettemelerin oryndaýyn ońailatady. Qosymsha jeke kásipker retinde onlain tirkelý, salyqtar men áleýmettik tólemderdi esepteý, atalǵan arnaiy salyq rejimin qoldanatyn tulǵalar úshin SEN usynýdy joiýǵa múmkindik beredi.
Sondai-aq, salyq bereshegi 6 AEK (17 502 teńge) mólsherinen asqan jaǵdaida ǵana shottar buǵattalady. Odan tómen shottarǵa tyiym salý sharalary qoldanylmaidy.
Ekinshi deńgeidegi bankterge salyq organynyń salyq tóleýshiniń bank shottary boiynsha shyǵys operatsiialaryn toqtata turý týraly ókimi keri qaitaryp alynǵanǵa deiin bereshek ótelgen jaǵdaida shot boiynsha shyǵys operatsiialaryn júrgizý quqyǵy berildi.
Al onlain BKM cheginde alýshynyń JSN/BSN kórsetilýi shaǵyn biznes sýbektileri úshin qosymsha aýyrtpalyqtardy boldyrmaý maqsatynda kózdelgen. Mysaly, QQS tóleýshi bolyp tabylmaityn jeke kásipker azamattyq-quqyqtyq mámileler boiynsha 1 000 AEK (2,9 mln. teńge) astam somaǵa EShF jazyp berýdiń ornyna satyp alýshyǵa onlain BKM-nyń osyndai chegin usyna alady. Satyp alýshyǵa onlain BKM chegin usyný shartymen shaǵyn kásipkerlik sýbektileri men taýarlardy bólshek saýdada ótkizetin tulǵalardyń EShF jazyp bermeýi 2022 jyldan bastap EShF jazyp berý jónindegi talaptardy alyp tastaýǵa bailanysty kózdelgen.
Sondai-aq, jańa negizgi qorlarǵa qaita investitsiialaýǵa baǵyttalǵan kiris korporativti tabys salyǵynan bosatylady. Atalǵan shara investitsiialyq ahýaldy jaqsartý jáne óńdeýshi ónerkásipti damytýdy kózdeidi, osylaisha óńdeýshi ónerkásiptiń shaǵyn kásipkerlik sýbektileri óndiristi damytýǵa qaita investitsiialanatyn paidadan KTS tólemeidi (óndiristik maqsattaǵy ǵimarattar men qurylystardy satyp alý nemese salý).
Topishilik qaryzdar boiynsha syiaqylardy tóleýge arnalǵan shyǵystardy shegerimge jatqyzý enshiles uiymdar ulttyq bas kompaniiadan alǵan qaryzdar boiynsha syiaqylar boiynsha shyǵystardy shegerimge jatqyzý quqyǵyn berý maqsatynda kózdelgen.
Sondai-aq, QR Salyq kodeksinde birqatar kelesi ózgerister qarastyrylǵan:
- «Qazaqstan Respýblikasynyń keibir zańnamalyq aktilerine maqta salasy máseleleri boiynsha ózgerister engizý jáne «Maqta salasyn damytý týraly» Qazaqstan Respýblikasy Zańynyń kúshi joiyldy dep taný týraly» Qazaqstan Respýblikasy Zańynyń qabyldanýyna bailanysty Salyq kodeksiniń normalaryn maqta salasy týraly zańnamamen sáikes keltirilgen;
- áleýmettik kásipkerlikti yntalandyrý maqsatynda áleýmettik kásipkerlik sýbektileriniń KTS boiynsha salyq salynatyn tabysyn osyndai sýbektimen eńbek qatynastarynda turǵan halyqtyń áleýmettik osal sanattaryn oqytýǵa, biliktiligin arttyrýǵa nemese qaita daiarlaýǵa jumsalǵan shyǵystar mólsherinde azaitý, biraq salyq kezeńinde bir qyzmetkerge tiisti qarjy jylynyń 1 qańtaryna qoldanysta bolatyn AEK-tiń 120 eselengen mólsherinen aspaityn mólsherde azaitý kózdelgen;
- jańa óndiristerdi qurýdy yntalandyrý, sondai-aq óńdeýshi ónerkásipke investitsiialardy ulǵaitý maqsatynda óńdeýshi ónerkásipte ónim óndirý jónindegi qyzmetti júzege asyrý nátijesi bolyp tabylatyn taýarlardy ótkizý kezinde jańa óndiristik kompaniialar úshin QQS boiynsha (70%) qosymsha esepke alýdy qoldaný kózdelgen;
- aýyl sharýashylyǵy tehnikasyn 12% - ǵa arzandatý jáne onyń qoljetimdiligin qamtamasyz etý maqsatynda «Qyzyljar» AEA importyna QQS-tan bosatýdy kózdelgen;
- EAEO elderinen belgili bir taýarlarǵa baqylaý baǵasynyń eń tómengi deńgeiin qoldaný ákelinetin taýarlardyń qunyn tómendetý faktileriniń aldyn alýǵa yqpal etetin bolady jáne ózekti salyq salynatyn bazadan QQS alýǵa múmkindik beredi, shara otandyq taýar óndirýshilerdi qoldaýǵa jáne qorǵaýǵa baǵyttalǵan, óitkeni qazaqstandyq eksportty kemsitetin elderge qatysty aina sharalaryn qoldanýǵa múmkindik beredi;
- eger áleýmettik kásipkerlik sýbektisi Salyq kodeksiniń 521-baby 2, 3, 4 jáne 5-tarmaqtarynyń birneshe erejelerine sáikes kelse, áleýmettik kásipkerlik sýbektileriniń múlik salyǵy boiynsha 0,5% tómendetilgen stavkanyi qoldanýy jáne eń tómengi salyq mólsherlemeleriniń birin qoldanýda tańdaý quqyǵy berildi. Ózgerister belgili bir nysanaly toptar ókilderiniń kásipkerlik qyzmetke qoljetimdiligin qamtamasyz etýdi kózdeidi;
- qoǵamdyq tamaqtandyrý salasynda jumys isteitin kásipkerlerge 2 jylǵa (2023 jyldan 2025 jylǵa deiin) ainalymnan bólshek saýda salyǵyn 6% salyq stavkasyn belgilei otyryp qoldaný quqyǵy berildi. Bul shara qoǵamdyq tamaqtandyrý salasy úshin salyq júktemesin jeńildetýdi kózdeidi;
- shekteý is-sharalaryn, onyń ishinde karantindi engizýge bailanysty sanitariialyq-epidemiiaǵa qarsy, sanitariialyq-profilaktikalyq is-sharalardy uiymdastyrýǵa jáne júrgizýge baǵyttalǵan qyzmetkerlerdiń paidasyna jumys berýshiniń shyǵystaryn KTS esepteý kezinde shegerimge jatqyzý, sondai-aq osy shyǵystardy qyzmetkerdiń tabysy dep eseptemeý;
- kripto valiýtalaryn óndirý salasyn zańnamalyq retteý, sondai-aq mainingten biýdjet túsimderin ulǵaitý maqsatynda tsifrlyq maining úshin tólem engizildi;
- shekteý sharalary kezeńinde qosarlanǵan salyq salýdy boldyrmaý maqsatynda rezidenttik sertifikatyn usyný merzimin 2021 jylǵy 31 jeltoqsanǵa deiin uzartyldy. Sebebi shet elderde karantindik sharalardy engizilgendikten, qujattardy usyný qiyn;
- pandemiia saldarynan neǵurlym zardap shekken salalarda kásipkerlik sýbektilerin qoldaý maqsatynda 2021 jylǵy 1 sáýir men 1 shilde aralyǵynda eńbekaqy tóleý qorynan JTS jáne áleýmettik salyq tóleýdi keiinge qaldyrý kózdelgen.
