Áleýmettik jelilerde salyq bereshegi bar azamattardyń balalary Ulttyq biryńǵai testileýge qatysa almaidy degen aqparat taraǵan bolatyn. Osyǵan orai QR Memlekettik kirister komiteti resmi málimdeme jasady, dep habarlaidy "Ult aqparat".
«Múlik, jer, kólik salyqtaryn tóleý mindeti QR Salyq kodeksinde bekitilgen. Alaida, atalǵan qujatta salyq bereshegi bar azamattardyń týystary men jaqyndarynyń emtihanǵa, memlekettik baǵdarlamalarǵa jáne basqalarǵa qatysýǵa shekteý qoiý boiynsha norma joq. Qoldanystaǵy QR Salyq zańnamasynda aiyppul esepteý sharalary kórsetilmegen. Tek salyqty ýaqytyly tólemegen jaǵdaida ótkizilgen ár kúnge ósimpul esepteledi»,- dep atap ótedi komitetten.
Sondai-aq, vedomstvo osy jyldyń aiaǵyna deiin jeke tulǵalarǵa arnalǵan salyqtyq raqymshylyq úrdisi júrgizilip jatqanyn eske salady. Onyń erejelerine sáikes, jeke tulǵa beresheginiń negizgi somasyn ótegen jaǵdaida ósimpul avtomatty túrde esepten shyǵarylady.
Salyq tóleýshiler boryshtarynyń bar-joǵyn Memlekettik kirister komitetiniń saitynda myna silteme boiynsha teksere alady.
