Qýandyq Bishimbaevtyń aitýynsha, syrtta júrgen qurylysshylardan uiat bolmaýy úshin áielimen dárethanada urysqan. Marqum Núkenova ol syilaǵan syilyqtyń bárin dárethanaǵa aǵyzyp jibergen. Sol kezde ol sýsyn alýǵa syrtqa shyǵyp ketedi de, Núkenova dárethanada qalady.
Kelgen soń Núkenova dárethana esigin ishten jaýyp alǵanyn baiqaidy. Bishimbaev esikti temirmen urǵylai bastaidy. Keiin Núkenovanyń esikti ashqanyn baiqaidy. Ol kirip, Núkenovany iterip jiberedi. Sol kezde ony tynyshtandyrý úshin betinen urǵanyn moiyndaidy. Ol qulap, basymen dárethana ýnitazyna qulaǵanyn aitady.
Keiin Bishimbaevtyń aitýynsha, ol birneshe ret jerge qulaǵan.
"Ol ústindegi jeideni sheship, maǵan laqtyrdy. Men ózimdi ustai almai betinen shapalaqpen urdym. Ol taǵy shalbaryn sheshýge oqtaldy. Men shalbarynyń belinen ustap turǵanmyn, sóitip ol dárethana ýnitazyna betimen qulap ketti. Men ashýlanyp, jibere saldym. Sóitip, ol solai qulady. Ol men ustap tur dep oilaǵan bolý kerek, men jibere saldym... Ol aldymen qabyrǵaǵa uryldy, sosyn ýnitazǵa taǵy qulady. Qatty uryldy ǵoi deimin, edenge qulady.
Ol ýnitazdyń janynda jatty, sheshilgen shalbary aiaǵynda oratylyp jatty. Men de shoshyp, qaradym. Ol on bes minýttai jatty, kózi ashyq bolatyn. Keiin ol turdy, ýnitazda saǵat pen neke júzigi jatqanyn qarap, oǵan al dedim. Ol turyp jatqanda kafel edenge taǵy qulady", — dedi sottalýshy.
Saltanat birneshe ret qulap-turyp, kiimin jyrtyp alǵan. Bishimbaev oǵan kómekteskisi kelip, jyrtylǵan kiimdi sheshýge tyrysqan. Sol kezdiń ózinde Saltanattyń basynda jaraqattar bolǵan.
"Bes-alty qadam jasaǵannan keiin ózi júre bastady. Ol ózi júrgenin kórip, ony jibere saldym. Ol tórt qadamdai jasap, taǵy ózin basqara almai, jerge qulady. Ol qulaǵan kezde qolyn aldyǵa qaratyp qulaityn, sosyn men túsinbedim, ol mas paá, elde alǵan soqqydan sondai áser me", - deidi Bishimbaev.
Bishimbaev odan jedel járdem shaqyrý kerek pe dep suradym deidi. Biraq ol jaýap bermegen.
"Men oǵan jaqyndap, beri qaratyp, bári jaqsy ma dep suradym. Adam qinalyp jatsa, jedel járdem shaqyr dep aitar edi ǵoi. Ol jai ǵana maǵan qarap, úndemei otyrdy. Bir sátte ol esin jiyp, turdy da, divanǵa baryp otyrdy. Ol meni jyndy qylyp tur dep oiladym", - deidi Bishimbaev.
Saltanattyń týǵandaryna bul áńgimeni tyńdaý qiyn ekeni baiqalady.
