قۋاندىق بيشٸمباەۆتىڭ ايتۋىنشا, سىرتتا جٷرگەن قۇرىلىسشىلاردان ۇيات بولماۋى ٷشٸن ەيەلٸمەن دەرەتحانادا ۇرىسقان. مارقۇم نٷكەنوۆا ول سىيلاعان سىيلىقتىڭ بەرٸن دەرەتحاناعا اعىزىپ جٸبەرگەن. سول كەزدە ول سۋسىن الۋعا سىرتقا شىعىپ كەتەدٸ دە, نٷكەنوۆا دەرەتحانادا قالادى.
كەلگەن سوڭ نٷكەنوۆا دەرەتحانا ەسٸگٸن ٸشتەن جاۋىپ العانىن بايقايدى. بيشٸمباەۆ ەسٸكتٸ تەمٸرمەن ۇرعىلاي باستايدى. كەيٸن نٷكەنوۆانىڭ ەسٸكتٸ اشقانىن بايقايدى. ول كٸرٸپ, نٷكەنوۆانى يتەرٸپ جٸبەرەدٸ. سول كەزدە ونى تىنىشتاندىرۋ ٷشٸن بەتٸنەن ۇرعانىن مويىندايدى. ول قۇلاپ, باسىمەن دەرەتحانا ۋنيتازىنا قۇلاعانىن ايتادى.
كەيٸن بيشٸمباەۆتىڭ ايتۋىنشا, ول بٸرنەشە رەت جەرگە قۇلاعان.
"ول ٷستٸندەگٸ جەيدەنٸ شەشٸپ, ماعان لاقتىردى. مەن ٶزٸمدٸ ۇستاي الماي بەتٸنەن شاپالاقپەن ۇردىم. ول تاعى شالبارىن شەشۋگە وقتالدى. مەن شالبارىنىڭ بەلٸنەن ۇستاپ تۇرعانمىن, سٶيتٸپ ول دەرەتحانا ۋنيتازىنا بەتٸمەن قۇلاپ كەتتٸ. مەن اشۋلانىپ, جٸبەرە سالدىم. سٶيتٸپ, ول سولاي قۇلادى. ول مەن ۇستاپ تۇر دەپ ويلاعان بولۋ كەرەك, مەن جٸبەرە سالدىم... ول الدىمەن قابىرعاعا ۇرىلدى, سوسىن ۋنيتازعا تاعى قۇلادى. قاتتى ۇرىلدى عوي دەيمٸن, ەدەنگە قۇلادى.
ول ۋنيتازدىڭ جانىندا جاتتى, شەشٸلگەن شالبارى اياعىندا وراتىلىپ جاتتى. مەن دە شوشىپ, قارادىم. ول ون بەس مينۋتتاي جاتتى, كٶزٸ اشىق بولاتىن. كەيٸن ول تۇردى, ۋنيتازدا ساعات پەن نەكە جٷزٸگٸ جاتقانىن قاراپ, وعان ال دەدٸم. ول تۇرىپ جاتقاندا كافەل ەدەنگە تاعى قۇلادى", — دەدٸ سوتتالۋشى.
سالتانات بٸرنەشە رەت قۇلاپ-تۇرىپ, كيٸمٸن جىرتىپ العان. بيشٸمباەۆ وعان كٶمەكتەسكٸسٸ كەلٸپ, جىرتىلعان كيٸمدٸ شەشۋگە تىرىسقان. سول كەزدٸڭ ٶزٸندە سالتاناتتىڭ باسىندا جاراقاتتار بولعان.
"بەس-التى قادام جاساعاننان كەيٸن ٶزٸ جٷرە باستادى. ول ٶزٸ جٷرگەنٸن كٶرٸپ, ونى جٸبەرە سالدىم. ول تٶرت قادامداي جاساپ, تاعى ٶزٸن باسقارا الماي, جەرگە قۇلادى. ول قۇلاعان كەزدە قولىن الدىعا قاراتىپ قۇلايتىن, سوسىن مەن تٷسٸنبەدٸم, ول ماس پاە, ەلدە العان سوققىدان سونداي ەسەر مە", - دەيدٸ بيشيمباەۆ.
بيشٸمباەۆ ودان جەدەل جەردەم شاقىرۋ كەرەك پە دەپ سۇرادىم دەيدٸ. بٸراق ول جاۋاپ بەرمەگەن.
"مەن وعان جاقىنداپ, بەرٸ قاراتىپ, بەرٸ جاقسى ما دەپ سۇرادىم. ادام قينالىپ جاتسا, جەدەل جەردەم شاقىر دەپ ايتار ەدٸ عوي. ول جاي عانا ماعان قاراپ, ٷندەمەي وتىردى. بٸر سەتتە ول ەسٸن جيىپ, تۇردى دا, ديۆانعا بارىپ وتىردى. ول مەنٸ جىندى قىلىپ تۇر دەپ ويلادىم", - دەيدٸ بيشيمباەۆ.
سالتاناتتىڭ تۋعاندارىنا بۇل ەڭگٸمەنٸ تىڭداۋ قيىن ەكەنٸ بايقالادى.
