Elbasy Nursultan Nazarbaevtyń COVID 19 virýsyna qatysty halyqqa úndeýine Bolat Nazarbaevtyń «Saliqaly urpaq» qory ún qatyp, óz qarajaty esebinen virýspen kúres sharalaryna 150 million teńge bólip otyr. Bul qarajat oblystyń koronovirýstyń saldarymen kúres qoryna baǵyttalatyn bolady, dep habarlaidy "Ult aqparat".
«Elbasynyń qiyn-qystaý kezdegi halqyna úndeýi eshbirimizdi bei-jái qaldyrmady. Biz óz kezegimizde joldaýdyń árbir tarmaǵyn barynsha júzege asyraýǵa atsalysamyz. Sondyqtan júreginiń sańlaýy bar árbir sanaly adam mundai qiyn shaqta óziniń qoǵam aldyndaǵy azamattyq pozitsiiasyn aiqyn bildirýi kerek», - dedi «Saliqaly urpaq» qorynyń jetekshisi Qasym Qasabekov.
Atap ótsek, Elbasynyń úndeýinen keiin Bolat Nazarbaevtyń "Saliqaly urpaq" qory únsiz qalmai, qol ushyn sozyp, COVID 19 virýsymen kúres sharalaryna óz qarajatynan 150 mln teńge bóldi. Jalpy "Saliqaly urpaq" qoǵamdyq qory 2016 jyldyń səýirinde qurylǵan. Qordyń negizgi baǵyty – jartylai jetim balalar men otbasylyq jaǵdaiy qiyn januialardyń balalaryn «Berekeli úi» pansionatyna ornalastyrý, bilim berý, meditsinalyq járdem kórsetý, sondai-aq, áleýmettik jaǵdaiy tómen otbasylar men kópbalaly, muqtaj jandardy azyq-túlikpen qamtamasyz etý.
