«Sálem, Elorda!» I respýblikalyq óner festivali óz máresine jetti. Óner festivaliniń jetistikteri «Qazaqkontsert» memlekettik kontserttik uiymynda ótken dóńgelek ústel barysynda qorytyndylandy, dep habarlaidy "Ult aqparat".
Dóńgelek ústel otyrysyna elimizdiń ár óńirine qarasty 17 filarmoniianyń basshylary qatysty. Shara barysynda festival nátijesimen birge óner salasyndaǵy ózekti máseleler de talqylanady.
QR Mádeniet jáne sport ministrligi Mádeniet jáne óner departamentiniń direktory Kúmis Seiitova birlesip ótkizilgen mádeni is-sharalarǵa kóz júgirtip, aldaǵy josparlardy naqtylaýda mundai júzdesýlerdiń mańyzy zor ekendigin aitty.
Sonymen qatar ol «QR Mádeniet týraly» zańyna engen ózgerister men tolyqtyrýlarǵa, el óńirlerindegi mádeniet pen óner salasynyń damýyna toqtaldy.
Al «Qazaqkontsert» memlekettik kontserttik uiymynyń direktory Jeńis Seidýllauly «Respýblikalyq kontserttik-gastroldik qyzmet ortalyǵynyń» jumysyn joǵary baǵalady.
«Onlain jinalystar barysynda Kontserttik-gastroldik ortalyq sizder kótergen ózekti máselelerdiń sheshimin taýyp, nátijeli jumys istedi dep oilaimyn. Aldaǵy ýaqytta da óńirlik filarmoniialar men shyǵarmashylyq ujymdardy qoldaityn bolamyz. Mádeniet jáne sport ministrliginiń bastamasymen júzege asyp jatqan «Sálem, Elorda!» I respýblikalyq óner festivali mádeniet salasyndaǵy eleýli is-sharanyń birine ainaldy. Meniń oiymsha, óńirlerdegi ozyq oryndaýshylar men úzdik shyǵarmashylyq ujymdardy qalyń buqaraǵa tanytý úshin osyndai mańyzdy jobalardyń qataryn arttyra berýimiz qajet»,- dedi Jeńis Seidýllauly.
Is-shara barysynda «Qazaqkontsert» uiymy óz tájiribesin bólisip, «Qazaqstan» ortalyq kontsert zaly boiynsha ekskýrsiia júrgizildi. Sondai-aq uiymdastyrýshylar tarapynan óńirlik filarmoniialarǵa estelik syilyq tabystaldy.
Budan bólek, «Qazaqstan» ortalyq kontsert zalynda «Sálem, elorda!» I respýblikalyq óner festivali gala-kontsertiniń televiziialyq túsirilimi ótti.
Festivaldiń gala-kontsertinde óńirlik óner uiymdarynyń úzdik kontserttik nomerleri toptastyrylady.
Kórermen bul kontsertti Táýelsizdik merekesine orai 17 jeltoqsanda «Habar» telearnasynan kóre alady.
Eske salsaq, atalǵan óner festivali 2020 jyldyń 20 qarashasynda saltanatty túrde bastaý alǵan bolatyn. Is-sharaǵa respýblika óńirlerindegi barlyq memlekettik kontserttik uiymdar qatysýda.
Festivaldiń maqsaty – óńirlerdiń mádeni jetistikteri men ónerin keńinen nasihattap, talantty oryndaýshylardy qoldaý.
