QR Densaýlyq saqtaý ministri Eljan Birtanov salaýatty ómir saltyn nasihattaý boiynsha áleýmettik marketing tásilderin synǵa aldy, dep habarlaidy QazAqparat tilshisi.
«Bólingen qarjyny eshkimge qajeti joq býkletter men qaǵaz materialdarǵa jumsaisyzdar. Bizdiń maqsatty tobymyz - jastar, balalar men olardyń ata-analary. Olardyń densýlyqtaryn nyǵaita túsýimiz kerek. Olar qazir túrli aqparat kózderin paidalanady. Al Sizderde sol baiaǵy býkletter», - dedi Birtanov ministrlik alqasynyń keńeitilgen otyrysynda Ulttyq salaýatty ómir saltyn qalyptastyrý ortalyǵynyń basshylyǵyna.
Ministr internet pen áleýmettik jelilerde salaýatty ómir salty ideiasyn nasihattaý men usynymdardy jariialaýǵa kóp shyǵyn ketpeitinin basa aitty.
«Bul baǵytta jumys istep jatyrmyz. Áleýmettik jelide - Instagram men Feisbýktaǵy jazylýshylarymyz kóbeiip keledi. Júgirýge, qadamdardy sanaýǵa, aǵzadaǵy sý teńgerimin baqylaýǵa arnalǵan mobildi qosymshalardy engizdik. Olardy júktep alsa jetkilikti», - dep jaýap berdi ministrge Ulttyq salaýatty ómir saltyn qalyptastyrý ortalyǵynyń direktory Jámilá Battaqova.
