Salalyq jýrnalisterdi oqytý jalǵasady. Bul týraly QR Aqparat jáne qoǵamdyq damý ministri Aida Balaeva aitty, dep habarlaidy "Ult aqparat".
«Biyl bul jumystardy bastap kettik. Jýrnalisterdi oqytý, biliktilikterin arttyrý boiynsha naqty jospar bar. Sondyqtan bul jumys dástúrli ári júieli túrde jalǵasady. Óitkeni, BAQ-ty, kásibi jýrnalisterdi qoldaýǵa múddelimiz. Búginde túrli sala baǵytynda úsh top oqydy. Aldaǵy ýaqytta da jalǵasatyn jumystyń formaty – onlain. Bul qatysýshylardy, onyń ishinde óńir jýrnalisterin keńinen tartýǵa múmkindik berip, olardyń damýyna septigin tigizedi», - dedi ministr Ortalyq kommýnikatsiialar qyzmetindegi baspasóz máslihaty barysynda.
Onyń atap ótýinshe, qazirgi ýaqytta meditsina, din, IT-tehnologiia, ekologiia baǵyttaryndaǵy joǵary oqý oryndarynda jýrnalisterdi salalyq oqytý júzege asyryldy.
«Bul tizbe keńeitile túsetin bolady. Josparymyzda qoǵamymyz úshin mańyzdy aýyl sharýashylyǵy, etnosaralyq qatynas máselelerinde joǵary oqý oryndarymen jumys isteý bar. Taǵy da qaitalap aitamyn, jumysty bastadyq ári ol birqalypty, júieli túrde jalǵasa beredi», - dedi Aida Balaeva.
