Teologiia ǵylymynyń anyqtaýynsha jat aǵym ókilderiniń adamdardy arbaýy mynadai úsh satydan turady:
Birinshi - eritip, balqytý;
Ekinshi - sanasyn ózgertip, ózderine beiimdeý.
Úshinshi - óz qalyptaryna salyp, qatyryp tastaý.
Áýeli, jat aǵym ókilderi nysanaǵa alǵan adamyna eritip, balqytatyn túrli ýaǵyz-nasihat aitady. Ol úshin Quran aiattaryn, Alla Elshisiniń (s.ǵ.s) ósietterin, sahabalardyń ónegelerin, odan keiingi iri ǵulamalardyń taǵylymdaryn qural retinde paidalanyp baǵady. Balqydy-aý degende yńǵaiyna qarai tartyp, ózderine beiimdei bastaidy. Mysaly, Ibn Táimiianyń postýlattaryn sanasyna quiyp, óz ideologiialaryn ótkizýge baryn salady. Beiimdelip boldy-aý degende óz qalyptaryna salyp, Ibn Baz, ál-Faýzan, ál-Ýsaimin, ál-Albanidiń sharhtarymen tuzdyqtap, birjolata muz etip, qatyryp tastaidy.Al, sosyn teologtar jat aǵymnyń jetegine ergen adamnyń toń bolyp qatqan sanasyn jibitýmen shuǵyldanady. Shirkin, adamdardy jat aǵymnyń ókilderi emes, aldymen óz imamdarymyz ýaǵyz aityp eritip, balqytsa, teologtar san-sapat jumysqa jegilmes edi-aý...
Muhan Isahan,
Dintanýshy, PHD doktory,
QMDB janyndaǵy ǵulamalar keńesiniń múshesi.
