تەولوگييا عىلىمىنىڭ انىقتاۋىنشا جات اعىم ٶكٸلدەرٸنٸڭ ادامداردى ارباۋى مىناداي ٷش ساتىدان تۇرادى:
بٸرٸنشٸ - ەرٸتٸپ, بالقىتۋ;
ەكٸنشٸ - ساناسىن ٶزگەرتٸپ, ٶزدەرٸنە بەيٸمدەۋ.
ٷشٸنشٸ - ٶز قالىپتارىنا سالىپ, قاتىرىپ تاستاۋ.
ەۋەلٸ, جات اعىم ٶكٸلدەرٸ نىساناعا العان ادامىنا ەرٸتٸپ, بالقىتاتىن تٷرلٸ ۋاعىز-ناسيحات ايتادى. ول ٷشٸن قۇران اياتتارىن, اللا ەلشٸسٸنٸڭ (س.ع.س) ٶسيەتتەرٸن, ساحابالاردىڭ ٶنەگەلەرٸن, ودان كەيٸنگٸ ٸرٸ عۇلامالاردىڭ تاعىلىمدارىن قۇرال رەتٸندە پايدالانىپ باعادى. بالقىدى-اۋ دەگەندە ىڭعايىنا قاراي تارتىپ, ٶزدەرٸنە بەيٸمدەي باستايدى. مىسالى, يبن تەيمييانىڭ پوستۋلاتتارىن ساناسىنا قۇيىپ, ٶز يدەولوگييالارىن ٶتكٸزۋگە بارىن سالادى. بەيٸمدەلٸپ بولدى-اۋ دەگەندە ٶز قالىپتارىنا سالىپ, يبن باز, ەل-فاۋزان, ەل-ۋسايمين, ەل-البانيدٸڭ شارحتارىمەن تۇزدىقتاپ, بٸرجولاتا مۇز ەتٸپ, قاتىرىپ تاستايدى.ال, سوسىن تەولوگتار جات اعىمنىڭ جەتەگٸنە ەرگەن ادامنىڭ توڭ بولىپ قاتقان ساناسىن جٸبٸتۋمەن شۇعىلدانادى. شٸركٸن, ادامداردى جات اعىمنىڭ ٶكٸلدەرٸ ەمەس, الدىمەن ٶز يمامدارىمىز ۋاعىز ايتىپ ەرٸتٸپ, بالقىتسا, تەولوگتار سان-ساپات جۇمىسقا جەگٸلمەس ەدٸ-اۋ...
مۇحان يساحان,
دٸنتانۋشى, PHD دوكتورى,
قمدب جانىنداعى عۇلامالار كەڭەسٸنٸڭ مٷشەسٸ.
