Endi MÁMS júiesine bes jyl boiy turaqty tólem jasaǵan adamnyń saqtandyrylǵan mártebesi 6 aiǵa deiin saqtalady. Bul týraly QR Densaýlyq saqtaý ministrligi MÁMS júiesin jetildirý jáne taldaý departamentiniń direktory Liazzat Shomanova Ortalyq kommýnikatsiialar qyzmetindegi baspasóz konferentsiiasynda habarlady.
«MÁMS júiesine qatysýdyń turaqtylyǵyn arttyrý maqsatynda mańyzdy norma engizildi. Eger adam bes jyl úzdiksiz jarna tólese, qandai da sebeppen tólem jasalmaǵan jaǵdaida onyń mártebesi burynǵy 3 aidyń ornyna 6 aiǵa deiin saqtalady», — dep túsindirdi spiker.
Onyń aitýynsha, bul norma turaqty túrde júiege qatysyp kelgen, biraq ýaqytsha qiyndyqqa tap bolǵan azamattardy qoldaýǵa múmkindik beredi.
Sonymen birge, zańnamaǵa ashyqtyqty arttyrýǵa baǵyttalǵan ózgerister engizildi:
- - Meditsinalyq uiymdar men Qordyń qyzmeti ashyq ári esep berýge mindetti bolady;
- - Meditsinalyq jáne farmatsevtikalyq baqylaý komitetine qadaǵalaý quzyreti berildi. Olar arnaiy qujatsyz meditsinalyq qyzmet kórsetýdi anyqtasa, birden toqtata alady.
Bul ózgerister halyqtyń meditsinalyq saqtandyrý júiesine degen senimin nyǵaitýǵa jáne qatysý sharttaryn ádil etýge baǵyttalǵan.
