Áleýmettik meditsinalyq saqtandyrý qory tegin meditsinalyq kómektiń kepildendirilgen kólemi jáne mindetti áleýmettik meditsinalyq saqtandyrý paketteri boiynsha meditsinalyq qyzmetterdiń negizgi kólemine 2021 jylǵa shamamen 1,5 trln teńge satyp alýdy jariialady, bul soma ortasha eseppen 20% artady, dep habarlaidy "Ult aqparat".
Kelesi jyly halyqtyń qajettiliginiń artýyn jáne eldegi epidemiialyq jaǵdaidy eskere otyryp, meditsinalyq kómekti satyp alý kóleminiń ulǵaiýy boljanýda.
Saqtandyrylǵan halyq úshin mamandandyrylǵan meditsinalyq kómektiń, onyń ishinde aýyldyq jerlerde qymbat joǵary tehnologiialyq qyzmetterdiń kólemi artady.
«Qor elimizdiń meditsinalyq uiymdarynan 2021 jylǵa josparlanǵan meditsinalyq qyzmetterdiń negizgi kólemine ótinimder qabyldaýdyń bastalǵany týraly habarlaidy. Osy jyldyń jeltoqsan aiynda satyp alýdy ótkizý 2021 jyldyń 1 qańtarynan bastap halyqty meditsinalyq kómekpen qamtamasyz etýge múmkindik beredi», - dep atap ótti Áleýmettik meditsinalyq saqtandyrý qorynan.
Aita keteiik, 2020 jyldyń basynda áleýmettik meditsinalyq saqtandyrýdyń engizilýimen densaýlyq saqtaý júiesiniń biýdjeti 1,6 trln teńgeni qurap, meditsinalyq kómek kólemi 1,5 esege artty.
Biyl alǵash ret MÁMS qarajaty esebinen mektep meditsinasyn qarjylandyrý kózdeldi, konsýltatsiialyq-diagnostikalyq kómekti qarjylandyrý kólemi aitarlyqtai keńeitildi - 6 ese, 183,8 mlrd teńge. Sonymen qatar, MÁMS engizilýimen qalpyna keltirý emi men meditsinalyq ońaltýdy qarjylandyrý kólemi – 8 ese, 55,7 mlrd teńgege deiin ósti.Statsionardy almastyratyn kómekti qarjylandyrý eki ese – 50,3 mlrd teńgege ulǵaidy.
Esterińizge sala keteiik, 2020 jylǵa meditsinalyq saqtandyrý qorynyń satyp alýlaryna 1 296 meditsinalyq qyzmet berýshi qatysty, onyń ishinde - 691 memlekettik meditsinalyq uiymdar (53%), 605 – jeke menshik (47%).
Qor biryńǵai strategiialyq satyp alýshy retinde qyzmetterdi satyp alýdyń elektrondyq formatyna kóshti.
Bul satyp alýdyń elektrondyq formaty rásimniń ashyqtyǵyn qamtamasyz etýge múmkindik beredi, sonymen qatar, meditsinalyq uiymdardyń satyp alý rásimderin jeńildetedi.
«Qazirgi ýaqytta veb-portalda habarlandyrý jariialandy, oǵan jaýap retinde áleýetti ónim berýshilerdiń derekqoryna engizilgen ónim berýshiler konkýrsqa qatysýǵa ótinim beredi. Budan ári quramyna Qordyń, ýákiletti organnyń (respýblikalyq komissiia quramynda), densaýlyq saqtaý basqarmasynyń (óńirlik komissiialar quramyna), «Atameken» UKP, meditsinalyq qyzmetterdi tutynýshylardyń múddelerin bildiretin úkimettik emes uiymdardyń, densaýlyq saqtaý sýbektileriniń nemese meditsinalyq qyzmetkerlerdiń jáne meditsinalyq qyzmetter sapasyna syrtqy saraptama fýnktsiialaryn júzege asyratyn ýákiletti organnyń aýmaqtyq bólimsheleriniń ókilderi kiretin komissiia ótinimderdi qaraidy. Budan keiin Veb-portalda qorytyndylardyń hattamasy avtomatty túrde qalyptastyrylady, ol ónim berýshi men Qor arasynda sharttar jasasý úshin densaýlyq saqtaý aqparattyq júielerine jiberiledi», – delingen habarlamada.
Ótinimderdi qabyldaý 2020 jylǵy 7 jeltoqsan saǵat 9:00-den 14 jeltoqsan saǵat 18:30-ǵa deiin júzege asyrylady.
Sondai-aq Qordyń (Qazaqstandaǵy MÁMS) resmi YouTube arnasynda meditsinalyq qyzmetterdi satyp alý veb-portalynda jetkizýshilerdiń elektrondyq formatta ótinim berýi boiynsha oqytý jazbasy ornalastyrylǵan.
