Qaraǵandyda 19-20 qyrkúiek kúnderi Sáken Seifýllinniń 125 jyldyǵyna arnalǵan jas aqyndar men jazýshylardyń respýblikalyq forýmy ótedi, dep habarlaidy "Ult aqparat".
Oblys ákimdiginen málim etkendei, ádebietshilerdiń qarym-qatynasyna arnalǵan alań «Rýhani jańǵyrý» baǵdarlamasy aiasynda uiymdastyryldy. Qatysýshylar qazirgi ádebiettiń jetistikterin, mádeni dástúrlerin jáne jańa trendterdi talqylaidy.
Forým urpaqtar bailanysyn nyǵaitýǵa múmkindik beredi. Oǵan búkil elden ataqty jáne jas aqyndar men jazýshylar jinalady. Olardyń arasynda Israil Saparbai, Júrsin Erman, Nesipbek Aituly, Ǵalym Jailybai, Qalqaman Sarin jáne taǵy basqalary bar.
«Abai danalyǵy, Áýezov qaýyrsyny, Sáken joldary, Qurmanǵazynyń siqyrly dybystary – bul rýhani mádenietimizdiń bir bóligi ǵana. Ulttyq salt-dástúrimiz, tilimiz ben áýenimiz, ádebietimiz – bir sózben aitqanda, ulttyq rýhymyz bizben máńgilik qalýy tiis. Osyny «Rýhani jańǵyrý» baǵdarlamasy da kózdep otyr», - deidi uiymdastyrýshylar.
Eki kúndik baǵdarlama pikirtalastar, tusaýkeserler jáne sheberlik sabatarǵa toly bolady. Forým qonaqtary Dolinka kentiniń saiasi qýǵyn-súrgin qurbandaryn eske alý murajaiyna ekskýrsiiaǵa da barady.
