Ulttyq olimpiada komiteti atqarýshy komitetiniń sheshimimen Musaibekov Sáken Júnisbekuly atalǵan uiymnyń Bas hatshysy qyzmetine sailandy, dep habarlaidy "Ult aqparat" QR Mádeniet jáne sport ministrligi Sport jáne dene shynyqtyrý komitetiniń baspasóz qyzmetine silteme jasap.
Buǵan deiin QR Úkimetiniń sheshimimen Musaibekov Sáken Júnisbekuly basqa jumysqa aýysýyna bailanysty QR Mádeniet jáne sport vitse-ministri qyzmetinen bosatylǵanyn habarlaǵan bolatynbyz.
Sáken Júnisbekuly 1967 jyly Soltústik Qazaqstan oblysynda dúniege kelgen. V.I. Lenin atyndaǵy Qazaq politehnikalyq institýtyn, Qazaq memlekettik basqarý akademiiasyn támamdaǵan.
Ár jyldary QR Parlamenti Májilisi tóraǵasynyń kómekshisi, QR memlekettik kiris ministriniń keńesshisi, QR Qarjy ministrligi ákimshilik departamentiniń direktory, QR Kólik jáne kommýnikatsiia ministrligi Avtomobil joldary komitetiniń «Qazaqavtojol» RMK bas direktorynyń orynbasary, QR Qarjy ministrligi apparatynyń basshysy, QR Kólik jáne kommýnikatsiia vitse-ministri qyzmetterin atqarǵan.
2005 jyldan bastap - QR Qarjy ministrligi apparatynyń basshysy.
2006 jyldan bastap - QR Úkimet basshysynyń shtattan tys keńesshisi.
2008 jyldyń naýryz aiynan bastap - «Qazyna» turaqty damý qory» AQ-nyń basqarýshy direktory.
2008 jyldyń qarasha aiynan bastap - «Samuryq-Qazyna» Ulttyq ál-aýqat qory» AQ apparatynyń basshysy.
2012 jyldan beri - «Sporttyq jekpe-jek jáne kúsh qoldanylatyn sport túrleri konfederatsiiasy» qaýymdastyq formasyndaǵy zańdy tulǵalar birlestiginiń bas direktory bolyp jumys istegen.
