Tanymal ánshi, «Shymkent qalalyq mádeniet úii» kontserttik uiymy» MKQK direktorynyń mindetin atqarýshysy Sáken Maiǵaziev koronavirýsqa qarsy vaktsina saldyrdy, dep habarlaidy QazAqparat.
Ánshi Shymkenttegi Mediker ortalyǵynda «Spýtnik V» ekpesin saldyrǵan.
«Eshkim májbúrlegen joq, men de eshkimdi úgittemeimin. Byltyrǵydai ólim-jitim kóbeimese eken, eń bolmasa taralýyna sebepshi bolmasam eken degen niet. Oqshaýlanyp, qashyqtan jumys istep sharshadyq. Keshe jariialaiyn dedim de, búgin qandai áserde bolǵanymmen bólispekke bel býdym. Bir Allaǵa sheksiz shúkir, jaǵdaiym jaqsy. Tańǵy tórtte tursam terlep jatyr ekem. Eshqandai aýyrtpalyq sezbedim», - dep jazdy S. Maiǵaziev óziniń Instagram paraqshasynda.
Aita keteiik, Qazaqstanda vaktsina saldyrǵan adamdar sany jarty millionnan asty. 2021 jylǵy 15 sáýir kúngi derekter boiynsha Qazaqstanda 505 451 adam vaktsina saldyrdy.
Qazaqstan musylmandarynyń dini basqarmasy vaktsina salýdyń orazany buzbaitynyn túsindirdi.
