Qazaqstan Respýblikasynyń
Premer-Ministri
B.Á. Saǵyntaevqa
Qurmetti Baqytjan Ábdiruly!
Bizdiń depýtattyq saýalymyz, tamyz aiynda aimaqtarda bolǵan is saparymyz barysynda, jergilikti turǵyndar kótergen ózekti máselelerge bailanysty.
Jambyl oblysynda paidalanatyn aǵyn sý resýrstarynyń 80 paiyzy – kórshiles Qyrǵyz Respýblikasynyń aýmaǵynan bastalyp, transshekaralyq ózender arqyly beriletini belgili.
Cońǵy jyldary Qyrǵyz Respýblikasynyń «Kirovskoe» sý qoimasynan Jambyl oblysy «Talas» ózenine quiatyn sý kólemi, áldebir ýaqyttary kelisimsiz, belgilengen mólsherden kóp jiberilýi saldarynan 25,022km. araqashyqtyqta ózen arnasy edáýir shaiylyp, jaqyn mańdaǵy eldi mekenderge sý jaiylý qaýpi týyndaýda.
Atalǵan ózen jaǵalaýynda tótenshe jaǵdaidyń oryn alýyna jol bermeýdi qajet etetin iri eldi mekender – Jasórken, Qyzylqainar Jambyl aýdanynda, Talas, Kazposelok, Sarykemer, Túimekent Baizaq aýdanynda, Tekturmas, «Dachnyi massiv» Taraz qalasynda ornalasqan. Qaterli aimaqta avtomobil joldary, elektr júieleri jáne gaz tasymaldaý qondyrǵylary bar. Ókinishke qarai, 2016 jylǵy 15 maýsymda Kirovskoe sý qoimasynan Talas ózenine quiatyn sý kóleminiń artýyna bailanysty Jambyl aýdanynyń Qyzylqainar, Jasórken aýyldaryna gaz tasymaldaityn joǵary qysymdy qubyrdyń (diametri 219mm) tiregi shaiylyp, isten shyqqan bolatyn. Sonyń saldarynan 720 úi-abonenter otynsyz qalǵan.
Jergilikti atqarýshy organdar tarapynan, tótenshe jaǵdailardyń aldyn alý maqsatynda «Jambyl oblysynda Taraz qalasynyń jáne Jambyl, Baizaq aýdandaryndaǵy Talas ózeni arnasy boiyndaǵy jaǵalaýdy bekitý jumystary boiynsha» JSQ ázirlenip, 2017 jylǵy 1 shildede memlekettik saraptamanyń №19-0213/17 oń qorytyndysy alynǵan. Smetalyq quny – 3 477 257 myń teńge. 2018 jyly jergilikti biýdjetten 10 mln. teńge kóleminde qosymsha qarjylandyrý esebinen jaǵalaýdy bekitý jumystary bastaldy. Jobany iske asyrý respýblikalyq biýdjetten qarjylandyrýdy qajet etedi.
2019-2021 jyldarǵa arnalǵan respýblikalyq biýdjetti qalyptastyrý barysynda joǵaryda atalǵan Jambyl oblysynyń áleýmettik mańyzdy jobasyn iske asyrýǵa respýblikalyq biýdjetten 2019 jylǵa qarjy bólinýge yqpal etýińizdi suraimyz.
Biýdjettik ótinim jáne qajetti qujattar men MS kóshirmesi QR Aýyl sharýashylyǵy ministrligine tapsyrylǵan.
Qurmetpen, Á. Nuraliev
M. Joldasbaev
