Baqytjan Saǵyntaev Memleket basshysynyń tapsyrmasymen «Qazaqstannyń úshinshi jańǵyrýy: jahandyq básekege qabilettilik» Joldaýy men «Bolashaqqa baǵdar: rýhani jańǵyrý» baǵdarlamalyq maqalasynda alǵa qoiylǵan mindetterdi túsindirý men olardyń iske asyrylý barysymen tanysý úshin Qyzylorda oblysyna jumys saparymen bardy. Bul týraly QR Premer-Ministriniń baspasóz qyzmeti habarlady.
Jumys saparynyń barysynda Baqytjan Saǵyntaev «Nurly jol» baǵdarlamasy boiynsha salynyp jatqan infraqurylym nysandary men «Nurly jer» baǵdarlamasy boiynsha turǵyzylyp jatqan qoljetimdi baspana qurylysynyń barysymen tanysady.
Budan ózge, QR Premer-Ministrin Indýstrialdy-innovatsiialyq damý memlekettik baǵdarlamasy aiasynda óńirdiń ónerkásiptik kásiporyndarynyń rekonstrýktsiialaý jumystarymen jáne AÓK memlekettik baǵdarlamasy aiasynda oblystyń aýyl sharýashylyǵy taýaryn óndirýshilerdiń ónimderiniń básekege qabilettiligin arttyrý sharalary týraly aqparattandyrady.
Baqytjan Saǵyntaev Qyzylorda oblysynyń aktivi men jurtshylyǵynyń qatysýymen Memleket basshysynyń «Qazaqstannyń úshinshi jańǵyrýy: jahandyq básekege qabilettilik» Joldaýynda alǵa qoiylǵan mindetterdi júzege asyrý turǵysynan óńirdi áleýmettik-ekonomikalyq damytý taqyrybynda keńes ótkizedi dep kútilýde.
Budan keiin, Baqytjan Saǵyntaevtyń tóraǵalyǵymen «Atameken» UKP óńirlik keńesiniń kásipkerler qaýymdastyǵymen shaǵyn jáne orta bizneske qoldaý kórsetý, qaita retteý, ónimdi jumyspen qamtý jáne jappai kásipkerlikti damytý baǵdarlamasyn iske asyrý máseleleri boiynsha keńes ótedi dep josparlanǵan.
Sondai-aq, jumys saparynyń kestesinde Baqytjan Saǵyntaevtyń ǵylymi jáne shyǵarmashylyq ziialylar qaýymymen Memleket basshysynyń «Bolashaqqa baǵdar: rýhani jańǵyrý» baǵdarlamalyq maqalasynyń iske asyrylý barysyn talqylaý boiynsha kezdesýi ótedi dep josparlanǵan.
