Atyraý oblysyna jumys sapary aiasynda QR Premer-Ministri Baqytjan Saǵyntaev Mahambet aýdanyndaǵy Jaiyq ózeni arqyly ótetin kópir qurylysynyń jumystarymen tanysty. Bul týraly primeminister habarlaidy.
Oblys ákiminiń orynbasary J. Súiinshálievtiń aitýynsha, Jaiyq ózeni arqyly ótetin kópir ótpesi respýblikalyq mańyzdaǵy «Atyraý - Oral» avtokólik jolyn oblystyq mańyzdaǵy «Atyraý - Inder» avtokólik jolymen bailanystyratyn Mahambet aýylynda salynyp jatyr. Kópir «Aqtóbe - Atyraý - Astrahan» avtojolynyń bir bóligine ainalady: ol Aqtóbeden Astrahanǵa deiingi joldy qysqartyp, tranzittik kólik aǵynyn Atyraýǵa kirgizbei ótkizýge múmkindik beredi. Qurylys jumystary biyl aiaqtalady.
Oblystyń Mahambet aýdanyndaǵy jańa kópir qosymsha kólik dálizin quryp, oblys ortalyǵyn keptelisterden aitarlyqtai aryltady. Joldyń júretin bóligi eki jolaqtan turatyn bolady, kópir boiynda kóliktiń jáne óńir turǵyndarynyń turaqty ári qaýipsiz qozǵalysyn qamtamasyz etetin jaiaý joldar qarastyrylǵan. Sonymen birge, jobalanǵan kópir ótpesi aýdanda shaǵyn jáne orta biznestiń damýyna serpin beredi.
Eske sala keteiik, QR Premer-Ministri Baqytjan Saǵyntaev Elbasynyń tapsyrmasy boiynsha Atyraý oblysyna keldi. Sapardyń maqsaty - Memleket basshysynyń «Qazaqstannyń úshinshi jańǵyrýy: jahandyq básekege qabilettilik», «Tórtinshi ónerkásiptik revoliýtsiia jaǵdaiyndaǵy damýdyń jańa múmkindikteri» Joldaýlary men Bes áleýmettik bastamasy aiasynda bergen tapsyrmalarynyń oryndalý barysymen tanysý.
Aita keteiik, kópir tolyǵymen betonnan jáne tireýsiz salynyp jatyr, bul onyń qurylysyn biregei etedi. Mahambet aýylyndaǵy Jaiyq ózenindegi jańa kópirdiń júk kóterý qabileti 180 tonnany quraidy, uzyndyǵy - 860 m, eni - 13 m. Kiretin joldardyń jalpy uzyndyǵy - 8,5 shaqyrym.
