Búgin QR Memlekettik hatshysy, QR Prezidenti janyndaǵy Jastar saiasaty jónindegi keńestiń tóraǵasy Baqytjan Saǵyntaev jastarmen kezdesti, dep habarlaidy "Ult aqparat".
Shara barysynda respýblikalyq jastar uiymdarynyń jetekshileri Memlekettik hatshyny óz uiymdarynyń qyzmeti jáne olardyń Jastar jyly aiasynda júrgizip jatqan jumysy jóninde habardar etti.
B.Saǵyntaev Memleket basshysynyń tapsyrmalary boiynsha búgingi tańda jastardyń ál-aýqatyn jaqsartýǵa, olardyń sapaly bilimge, densaýlyq saqtaý qyzmetine qol jetkizýine, baspana jaǵdaiyn túzetýine, bos ýaqyttarynyń durys uiymdastyrylyp, ómirden óz orynyn tabýyna baǵyttalǵan mańyzdy áleýmettik jobalar qarastyrylǵanyna toqtalyp ótti.
Memlekettik hatshy Elbasynyń jastar saiasaty salasynda alǵa qoiǵan mindetterin tiimdi júzege asyrý isinde memlekettik organdar men jastardyń úkimettik emes uiymdary birlese kúsh-jiger jumsaýy qajettigin aitty.
Bul rette ol elimizdiń barlyq jastaryn Jastar jyly aiasynda iske asyrylyp jatqan jobalarǵa belsene atsalysýǵa, óz-ózin jetildirý, bilim deńgeiin kóterý jáne kásibi biliktiligin arttyrý jolynda jańadan engizilgen «áleýmettik lift» múmkindikterin paidalanýǵa úndedi.
Kezdesý sońynda Memlekettik hatshy jastar elimizdiń jahandyq básekege qabilettiliginiń mańyzdy faktoryna ainalýǵa tiis ekendigin atap ótti.
.jpeg)