Jastardyń nelikten Almatyda turaqtap qalǵysy keletinin qala ákimi Baqytjan Saǵyntaev túsindirdi, dep habarlaidy "Ult aqparat".
«Almaty – barlyq salada joǵary bilimi bar jastar qalasy. Megapoliste ornalasqan 39 ýniversitette 170 myńnan astam stýdent oqidy. Olardyń qatarynda elimizdiń barlyq aimaqtarynan kelgen stýdentter bar. Olardyń basym bóligi oqý bitirgennen keiin Almatyda qalady. Biz muny túsinemiz, 5 jyl oqyǵan Almaty qalasyn tastap ketý óte qiyn. Bul - mahabbat pen baqyt qalasy. Bolashaqtyń qalasy deýge de bolady», - dedi Baqytjan Saǵyntaev jumys isteitin jastarǵa páter kiltin tapsyrý rásiminde.
Ákimniń aitýynsha, jastardyń baspanaly bolýǵa múmkindigi joq. Sonydyqtan ákimdik arnaiy baǵdarlama ázirleýde.
«Oqýdy bitirgennen keiin jastar jumysqa ornalasady. Otbasyn qurady. Biraq keibireýlerdiń páter satyp alýǵa múmkindigi joq. Bul - jas muǵalimder, dárigerler, jazýshylar, aqyndar jáne taǵy basqa sala mamandary. Sondyqtan bolashaqta baǵdarlamada jas muǵalimderge, dárigerlerge, jazýshylarǵa, aqyndarǵa 100 páter bólýdi josparlap otyrmyz», - dedi ákim.
Eske sala keteiik, búgin shahar basshysy jumys isteitin jastarǵa páter kiltin tabystaǵan bolatyn.
