Almaty ákimi Baqytjan Saǵyntaev salynyp jatqan turǵyn úi keshenderi qurylystaryna shaǵymdanǵan turǵyndarǵa jaýap berdi, dep habarlaidy QazAqparat.
Esep berý jiynynda, Áýezov aýdanynyń turǵyny ákimge qalada kóptegen turǵyn úi kesheni salynyp jatqanyna shaǵymdanyp, adamdarǵa kóbirek saiabaq, skver, áleýmettik nysandar qajet ekenin aitty.
«Biz turǵyn úi salýdy toqtata almaimyz. Óitkeni qala ulǵaiyp keledi jáne baspanaǵa qajettilik áli de bar. 30 myńǵa jýyq adam turǵyn úi kezeginde tur. Onyń ishinde memlekettik baǵdarlamalar da bar. Sonymen qatar, kommertsiialyq baǵytta da keshender boi kóterip jatyr, biraq onda balabaqsha da, mektep te, aýrýhana da qarastyrylmaǵan. Iaǵni, ár sharshy metr bizneske, kóbirek aqsha tabýǵa baǵyttalǵan. Osydan keiin, sizder aitqandai, mektep, balabaqsha jetpeidi», - dep jaýap berdi Baqytjan Saǵyntaev.
Sonymen qatar, ol turǵyn úi keshenimen birge mektepter men basqa da áleýmettik nysandardy salýdy mindetteitinin aitty.
