Qazaqstannyń premer-ministri Baqytjan Saǵyntaev memlekettik satyp alýdyń jańa júiesin engizý týraly pikirin bildirdi, - dep habarlaidy "Ult aqparat" kaz.tengrinews.kz portalyna silteme jasap.
"Elbasy memlekettik satyp alý júiesin ádil synǵa alǵan. Jańa júie qysqa ýaqytta jasaldy, qazir pilottyq rejimde iske qosamyz. Túsinikti, Abylai Isabekuly (Myrzahmetov) durys aitady, bul basqa júiege úirengen qurylysshylar úshin aýyr. Endi júieni aýystyramyz", - dedi Saǵyntaev.
Úkimet basshysy qarjy minisri Baqyt Sultanovqa isti baqylaýda ustaýdy tapsyrdy.
"Baqyt Turlyhanuly bastysy bul pilottyq joba jumys isteýi kerek. Qarsylyqtar bolady dep oilaimyn. Eski júiege oralý úshin pilottyq jobany qulatýǵa tyrysady. Mundaidy qatań tyiyp otyrý kerek. Komitettegi adamdaryńyz da mindetin naqty oryndaýy qajet. Baqylaýda ustańyz. Jyl sońyna deiin jumys isteidi, al kelesi jyly memlekettik satyp alýdyń jańa júiesine tolyq kóshý kerek", - dep aiaqtady premer-ministr.
Nursultan Nazarbaev Qazaqstan halqyna Joldaýynda satyp alý júiesin jetildirýdi sheshýshi máselelerdiń biri ekenin aitqan bolatyn.
