Búgin Almatyda Qazaqstan Respýblikasy Premer-Ministri Baqytjan Saǵyntaev «Jahandaný dáýirindegi tsifrlyq kún tártibi» EAEO halyqaralyq forýmyna jáne Eýraziialyq úkimetaralyq keńes otyrysyna qatysady. Bul týraly Úkimet basshysynyń baspasóz qyzmeti habarlady.
Búgin 2 aqpanda Almatyda Memleket basshysy Nursultan Nazarbaevtyń bastamasymen «Jahandaný dáýirindegi tsifrlyq kún tártibi» forýmy ótedi, onyń aiasynda innovatsiialardy jáne tehnologiialyq kásipkerlikti damytý, bazalyq integratsiialyq jobalar, Eýraziialyq ekonomikalyq odaqtaǵy ónerkásiptik tsifrlandyrý jáne aýyl sharýashylyǵyn tsifrlyq transformatsiialaýdyń ózekti máseleleri talqylanady.
Forým jumysyna Armeniianyń Premer-Ministri - K. Karapetian, Belarýstiń Premer-Ministri - A. Kobiakov, Qazaqstannyń Premer-Ministri - B. Saǵyntaev, Qyrǵyzstannyń Premer-Ministri - S. Isakov, Reseidiń Premer-Ministri - D. Medvedev, sondai-aq Ázirbaijan men Tájikstannyń resmi delegatsiialary qatysady.
Eske salsaq, 2017 jylǵy qazanda Joǵarǵy Eýraziialyq ekonomikalyq keńes otyrysynda EAEO múshe memleketterdiń basshylary 2025 jylǵa deiingi tsifrlyq kún tártibiniń negizgi baǵyttaryn bekitti, sondai-aq Prezident Nursultan Nazarbaevtyń EAEO ekonomikasyn tsifrlandyrý boiynsha arnaiy kezdesý ótkizý týraly bastamasyn qoldady.
Forýmnyń onlain-taratylymyn 2 aqpanda 11:00-de PrimeMinister.kz saitynan jáne Feisbýk, «VKontakte», Tvitter, Periskop jáne Odnoklassniki áleýmettik jelilerinen, Iýtýb resmi arnasynan, sondai-aq Android pen Aifonǵa arnalǵan mobildi qosymshalardan kórińizder.
Kúnniń ekinshi jartysynda Baqytjan Saǵyntaev Eýraziialyq úkimetaralyq keńestiń shaǵyn jáne keńeitilgen quramdaǵy otyrysyna qatysady.
Is-sharaǵa Armeniia Respýblikasynyń Premer-Ministri - K. Karapetian, Belarýs Respýblikasynyń Premer-Ministri - A. Kobiakov, Qyrǵyz Respýblikasynyń Premer-Ministri - S. Isakov, Resei Federatsiiasynyń Premer-Ministri - D. Medvedev jáne Eýraziialyq ekonomikalyq komissiiannyń Alqa Tóraǵasy T. Sarkisian qatysady dep boljanyp otyr.
Shaǵyn quramda tsifrlyq kún tártibi máselelerin, sondai-aq ishki naryqtyń jumys jasaýy sheńberindegi qatysýshy elderdiń mindettemelerin qaraý josparlanǵan.
Keńeitilgen quramdaǵy otyrysta qatysýshylar makroekonomikalyq jaǵdaidy jáne EAEO múshe memleketterdiń arasyndaǵy ózara saýda jaǵdaiyn talqylaidy, agroónerkásip kesheni, ónerkásip kesheni damýynyń ortaq boljamdaryn jáne EAEO múshe memleketterdiń eńbekshilerin zeinetaqymen qamsyzdandyrý máselelerin talqylaidy.
Otyrys qorytyndysy boiynsha birqatar qujattardy qabyldaý josparlanǵan.
Aita keteiik, alda ótetin Eýraziialyq úkimetaralyq keńes biyl alǵashqy ret bolmaq. 2017 jyly osyndai is-sharalar Bishkekte (Qyrǵyzstan), Qazanda (Resei Federatsiiasy), Astanada (Qazaqstan) jáne Erevanda (Armeniia) ótti.
