Almaty qalasynyń ákimi Baqytjan Saǵyntaev qalanyń burynǵy ákimderiniń biri Viktor Hrapýnovtyń kezinde jeke menshikke ótip ketken jer telimi týraly pikir bildirdi, dep habarlaidy QazAqparat.
Akýsherlik jáne ginekologiia ortalyǵynyń Enterprise Development Group jeke komipaniiasyna satylǵan jer teliminde elitaly úi salynyp jatyr. Memlekettik sáýlet jáne qala qurylysyn baqylaý basqarmasy Almaty qalasynyń ákimdigi men jergilikti kompaniiany sotqa bergen edi. Negizdeme – ortalyqqa tiesili jerdi jeke menshikke berý týraly sheshmniń kúshin joiý týraly talap boldy. Biraq ekonomikalyq sot ol talapty keri qaitardy. Jer telimi qalanyń ákimi Viktor Hrapýnov bolǵan kezde jeke menishkke berilgen. Osy jerdi memleket menshigine qaitarasyz ba? Ortalyq kommýniaktsiialar qyzmetinde ótken brifingide qala ákimine osyndai suraq qoiyldy.
«Birinshiden, ol jerde eshqandai qurylys salynyp jatqan joq. Bizdiń ustanymymyz naqty ári ózgermeidi. Biz bul jer zańdy iesine qaitarylýy kerek degen bolatynbyz. Ol jerde Akýsherlik jáne ginekologiia ortalyǵy ornalasqanyn almatylyqtar jaqsy biledi. Nysannyń mańaiynda saiabaq aýmaǵy bolǵan. Bir kezderi qandai da bir jolmen ol telim jeke qolǵa ótip ketken eken. Bizdiń qazirgi ustanymymyz mynadai – ol jerde eshqandai qurylys júrmeýi kerek. Biz sottasyp jatyrmyz», - dedi Almaty ákimi.
