Qasym-Jomart Toqaevtyń Almatydaǵy jumys sapary qalany abattandyrýǵa baǵyttalǵan jobalarmen tanysýdan bastaldy, dep habarlaidy "Ult aqparat" Aqordaǵa silteme jasap.
Baqytjan Saǵyntaev Memleket basshysyna qalanyń poliortalyq modelin qalyptastyrýdy kózdeitin «Jańa Almaty» baǵdarlamasy týraly baiandady. Bul joba qala turǵyndary úshin ómir súrýge qolaily jaǵdai jasap, olardyń erkin demalýyna jańa qoǵamdyq keńistikter qurýǵa baǵyttalǵan.
Memleket basshysy ákimniń esebin tyńdaǵannan keiin barlyq jobalar qalada qaýipsiz orta qalyptastyryp, shahardaǵy ósimdikter qoryn saqtap qalýǵa baǵyttalýy qajet ekenin atap ótti. Prezident qurylyp jatqan jańa saiabaqtar jergilikti turǵyndardyń demalysyna yńǵaily bolýy kerek dep esepteidi.
Qasym-Jomart Toqaev jalpy qalada júrgizilip jatqan jumystarǵa oń baǵa berdi. Qala basshysyna ár aýdanda turǵyndardyń demalysy men erkin júrip-turýyna qolaily zamanaýi alańqailar salýǵa kóńil bólýdi tapsyrdy.
