قاسىم-جومارت توقاەۆتىڭ الماتىداعى جۇمىس ساپارى قالانى اباتتاندىرۋعا باعىتتالعان جوبالارمەن تانىسۋدان باستالدى, دەپ حابارلايدى "ۇلت اقپارات" اقورداعا سٸلتەمە جاساپ.
باقىتجان ساعىنتاەۆ مەملەكەت باسشىسىنا قالانىڭ پوليورتالىق مودەلٸن قالىپتاستىرۋدى كٶزدەيتٸن «جاڭا الماتى» باعدارلاماسى تۋرالى باياندادى. بۇل جوبا قالا تۇرعىندارى ٷشٸن ٶمٸر سٷرۋگە قولايلى جاعداي جاساپ, ولاردىڭ ەركٸن دەمالۋىنا جاڭا قوعامدىق كەڭٸستٸكتەر قۇرۋعا باعىتتالعان.
مەملەكەت باسشىسى ەكٸمنٸڭ ەسەبٸن تىڭداعاننان كەيٸن بارلىق جوبالار قالادا قاۋٸپسٸز ورتا قالىپتاستىرىپ, شاھارداعى ٶسٸمدٸكتەر قورىن ساقتاپ قالۋعا باعىتتالۋى قاجەت ەكەنٸن اتاپ ٶتتٸ. پرەزيدەنت قۇرىلىپ جاتقان جاڭا ساياباقتار جەرگٸلٸكتٸ تۇرعىنداردىڭ دەمالىسىنا ىڭعايلى بولۋى كەرەك دەپ ەسەپتەيدٸ.
قاسىم-جومارت توقاەۆ جالپى قالادا جٷرگٸزٸلٸپ جاتقان جۇمىستارعا وڭ باعا بەردٸ. قالا باسشىسىنا ەر اۋداندا تۇرعىنداردىڭ دەمالىسى مەن ەركٸن جٷرٸپ-تۇرۋىنا قولايلى زاماناۋي الاڭقايلار سالۋعا كٶڭٸل بٶلۋدٸ تاپسىردى.
