QR premer-ministri Baqytjan Saǵyntaev óńirde sý tasqynyna bailanysty qiyn jaǵdailar týyndasa, jai eskertýmen shektelip qalýǵa bolmaitynyn aitty. Ol ákimderdi qatań sharalardy qoldanýǵa shaqyrdy, - dep habarlaidy "Ult aqparat" kaz.tengrinews.kz portalyna silteme jasap.
Úkimet otyrysy barysynda Ishki ister ministri Qalmuhanbet Qasymov premer-ministrge eldegi sý tasqynyna qatysty jaǵdaiǵa toqtala otyryp, Qaraǵandy oblysynda bolǵan tótenshe jaǵdailardan qaza tapqandar jaily aityp berdi.
"Adamdardy joǵaltyp aldyq, árine, ókinishti jaǵdai. Túrli jaǵdailardyń bolǵany jáne munyń adamdardyń beiqamdyǵynan ekeni túsinikti. Eskerttik te, osyǵan deiin ministrmen de sóilestik. Keibir óńirlerdegi jaǵdai sol kúii qiyn bolyp tursa, bizge jai eskertýmen shektelip qalýǵa bolmaidy. Kerek jerde tyiym salý kerek", - dedi premer-ministr.
Sondai-aq, ministr Qasymov elde 46 ýchaskelik joldyń: 43 avtomobildi jáne 3 temirjoldyń sý astynda qalǵanyn aitty. Qazirgi ýaqytta sý shaiyp ketken temirjol ýchaskelerindegi jaǵdai retteldi, poiyzdardyń qozǵalysy qaita qalpyna keltirildi.
"Qazgidromet" mamandarynyń boljamyna qarasaq, Soltústik Qazaqstan men Qostanai oblystaryndaǵy jaǵdai alańdaýshylyq týǵyzady. Osy aýmaqtardy sý basý qaýpi bar, barlyq kúsh sonda jumyldyryldy", - dedi ministr.
Aita keteiik, sońǵy táýlikterde Qaraǵandy oblysynda birneshe tótenshe jaǵdai boldy.
2 sáýirde Qaraǵandy oblysynda eki aǵaiyndynyń joǵalyp ketkeni jaily habarlanǵan bolatyn. Olardyń biri dosymen birge iri qara maldardy izdestirýge attanǵan edi. Biraq birde er adam jylqylarmen birge sýǵa ketip qalǵan. Ony qutqarmaqshy bolyp artynsha sekirgen aǵasy da iz-tússiz joǵalyp ketken bolatyn.
Condai-aq, osyǵan deiin Qaraǵandy oblysynda 14 adam otyrǵan ÝAZdyń ózenge túsip ketkeni habarlanǵan edi. Jol apaty kezinde kólikte 14 adam otyrǵan. Olardyń ishinde kámeletke tolmaǵan úsh bala bar. 11 adam kólikten óz betinshe shyǵa alǵan. Al qalǵan úsh adamdy qutqarýshylar izdestirip jatyr. Keiinirek súńgýirler eki adamnyń máiitin tapqan. Olardyń kim ekeni ázirshe belgisiz. Taǵy bir adamdy izdestirý jumystary júrgizilip jatyr.
