Búgin Úkimet úiinde QR Premer-Ministri Baqytjan Saǵyntaev «Shevron» kompaniiasynyń direktorlar keńesiniń tóraǵasy Maikl Ýirtpen kezdesý ótkizdi. Bul týraly primeminister.kz habarlaidy.
Kezdesý barysynda Elbasynyń «Tórtinshi ónerkásiptik revoliýtsiia jaǵdaiyndaǵy damýdyń jańa múmkindikteri» Joldaýyn iske asyrý aiasynda Qazaqstan ekonomikasyna jańa tehnologiialardy engizý, tsifrlandyrý salasynda jańa investitsiialyq jobalardy iske asyrý jáne kompaniiamen aradaǵy yntymaqtastyq máseleleri talqylandy.
Aita keteiik, «Shevron» kompaniiasy «Pacific Oil Coast Co» ataýymen 1879 jyly qurylǵan. Búginde ol - álemdegi besinshi iri integratsiialanǵan energetikalyq kompaniia jáne Kaspii aimaǵynda jumys isteitin jetekshi jeke munai óndirýshi. Kompaniia munai men gazdy óndirýmen jáne óńdeýmen, munai himiiasymen, elektr energiiasyn óndirýmen ainalysady, geotermaldyq energiia jáne biootyn salasynda jumys júrgizedi.
Shtab-páteri San-Ramon qalasynda ornalasqan (Kaliforniia, AQSh), operatsiialary álemniń 180 elinde júrgiziledi. Qyzmetkerler sany shamamen 62 myń adam. Kompaniia kapitaly $232 mlrd quraidy.
«Shevron» kómirsýtekterin barlaý jáne óndirý boiynsha 20-dan astam elde (Qazaqstan, AQSh, Avstraliia, Kanada, Qytai, Braziliia, Argentina, Tailand, Nigeriia, Angola, Kongo, Ulybritaniia jáne t.b.) jumys isteidi.
Qazaqstanda Chevron kompaniiasy «Teńizshevroil» JShS, Qarashyǵanaq jobasyna jáne Kaspii qubyr konsortsiýmyna qatysady.
.jpeg)