Búgin QR Premer-Ministri Baqytjan Saǵyntaev biyl 30 qańtarda Úkimettiń keńeitilgen otyrysynda Memleket basshysynyń alǵa qoiǵan mindetterin odan ári iske asyrý boiynsha naqty tapsyrmalar berdi, dep habarlaidy "Ult aqparat".
Ulttyq ekonomika ministrligine Qarjy, Bilim jáne ǵylym ministrlikterimen birge jáne ákimderge mektep salý men jóndeý fýnktsiialaryn olardy qarjylandyrý fýnktsiialarymen birge óńirlerge berý máselesin pysyqtaý tapsyryldy. Bul biýdjet protsesin ońailatyp, mektepterdi salýdy nemese jóndeýdi jyldamdatýǵa múmkindik beredi.
Meditsina jumyskerleriniń praktikalyq daiarlyǵyn kúsheitý úshin Densaýlyq saqtaý ministrligi praktikalyq daǵdylandyrýǵa nazar aýdara otyryp, halyqaralyq standarttar boiynsha oqytýdyń qazirgi zamanǵy baǵdarlamalaryna kóshý jóninde usynystar engizip, ákimdermen birge biyl memlekettik aýrýhanalardy menshikti klinikalyq bazalar retinde meditsinalyq joǵary oqý oryndaryna berý máselesin pysyqtaýy tiis.
Eńbek jáne halyqty áleýmettik qorǵaý ministrligi Ulttyq ekonomika, Qarjy, Bilim jáne ǵylym ministrlikterimen birge:
-
jumys istep júrgen adamdardy úzdiksiz oqytýdyń keshendi júiesin iske qosýdy (life-long learning) qamtamasyz etýi tiis;
-
jumys berýshilermen yntymaqtasa otyryp, salyqtyq shegerimderdi kásiporyndardyń personalyn oqytý shyǵystaryna qoldaný múmkindigin zerdeleýi qajet;
-
qaita daiarlaý jáne biliktilikti joǵarylatý kýrstaryna aqy tóleýdiń vaýcherlik negizderin qarastyrý qajet;
-
elektrondyq Eńbek birjasynyń negizinde kásiptik daǵdyǵa oqytatyn, sondai-aq «qajetti» daǵdylardy úiretetin jáne alǵan daǵdylaryn jumys berýshiler moiyndaityndai sertifikat beretin oqý kýrstarynyń aýqymdy tizbesi bar Jalpyulttyq oqytýdyń onlain-portalyn iske qosýdy qamtamasyz etý tapsyryldy.
Aqparat jáne kommýnikatsiialar ministrligi múddeli memlekettik organdarmen birge:
-
memlekettik organdarda qazirgi biznes protsesterdi túbegeili qaita qaraý jónindegi sharalardy ázirlesin, eń aldymen qaǵazdan bas tartyp, 2020 jyldan bastap tolyqtai elektrondy qujat ainalymyna kóshýi qajet;
-
halyqqa júrgizilip jatqan reformalar týraly únemi aqparat berip, keri bailanysty qamtamasyz etýi qajet.
Ulttyq ekonomika ministrligine Qarjy ministrligimen birge:
-
áleýmettik tólemderdi esepteý jáne eńbekaqy tóleý qorynan biryńǵai tólem túrinde tóleý tártibin ońailatý qajet;
-
jeke tulǵalar úshin jer salyǵy men ondaǵy qurylysqa salynatyn salyqty jyljymaityn múlikke salynatyn bir salyqqa qosý máselelerin pysyqtasyn jáne kóp páterli turǵyn úilerde jer salyǵyn alyp tastaý máselesin qaraý tapsyryldy.
Indýstriia jáne infraqurylymdyq damý ministrligi:
-
Densaýlyq saqtaý, Aýyl sharýashylyǵy ministrlikterimen jáne «Atameken» ulttyq kásipkerler palatasymen birge 2019 jyldyń ortasyna deiin «Sapaly Qazaqstan» keshendi josparyn ázirlep qabyldasyn, onda halyqaralyq deńgeige sáikes keletin qazaqstandyq standarttardy, tehnikalyq reglamentter men normalardy 3 jyl ishinde engizýdi, zamanaýi zerthanalyq bazany damytýdy eskerýi tiis;
-
Aqparat jáne kommýnikatsiialar ministrligimen, Nazarbaev Ýniversitetimen birge aldyńǵy qatarly ǵylymi-tehnologiialyq kompaniialardy qurylǵan innovatsiialyq ekojúieni, onyń ishinde Astana Business Campus pen Astana Hub halyqaralyq AT startaptar tehnoparkin odan ári damytýǵa strategiialyq áriptes retinde tartýdy pysyqtaýy tiis.
Sonymen qatar, Premer-Ministr Prezident belgilep bergen mindetterdiń bári naqty oryndalýy tiis ekenin atap ótti. Memlekettik organdardyń basshylaryna Memleket basshysynyń tapsyrmalaryn iske asyrý boiynsha usynystardy Úkimettiń aǵymdaǵy jylǵy jumys josparyna qosý úshin Ulttyq ekonomika ministrligine úsh kún merzimde engizý tapsyryldy.
