Búgin Almatyda Qazaqstan Respýblikasynyń Premer-Ministri Baqytjan Saǵyntaev pen Eýraziialyq úkimetaralyq keńestiń otyrysyna qatysý úshin kelgen Resei Federatsiiasy Úkimetiniń Tóraǵasy Dmitrii Medvedev arasynda ekijaqty kezdesý ótti, dep habarlaidy "Ult aqparat".
Kezdesý barysynda saýda-ekonomikalyq, tranzittik-kólik, otyn-energetika salalaryndaǵy, sondai-aq ǵaryshty igerý men tsifrlandyrý salasyndaǵy ózara is-qimyldy odan ári tereńdetýge jáne keńeitýge baǵyttalǵan ekijaqty qarym-qatynastardyń máseleleri talqylandy. «Baiqońyr» boiynsha yntymaqtastyq áleýetin damytý perspektivalary qaraldy. Aimaqaralyq jáne shekara mańyndaǵy yntymaqtastyq máselelerine erekshe kóńil bólindi.
Eki tarap HV Aimaqaralyq yntymaqtastyq forýmy barysynda eki memlekettiń Basshylary qol qoiǵan QR men RF-tiń 2019–2021 jyldarǵa arnalǵan birlesken is-qimyldar josparynyń iske asyrylý barysyn qarady. Týrizm salasyndaǵy, eń aldymen, shekara mańy óńirlerindegi ózara is-qimyldy jandandyrý máselelerin sheshýge úlken mán beriledi.
2018 jyldyń qańtar–qarasha ailarynda ekijaqty taýar ainalymy 2017 jyldyń sáikes kezeńimen salystyrǵanda 6% ulǵaiyp, $15,7 mlrd qurady.
Qazaqstannyń syrtqy saýda ainalymynda Resei úlesi shamamen 19% quraidy, bul el Qazaqstan ónimderin eksporttaý boiynsha 4-orynda.
