Búgin Úkimet otyrysynda QR Premer-Ministri Baqytjan Saǵyntaev jylý berý maýsymynyń ótýi máselesin qaraý qorytyndysy boiynsha birqatar naqty tapsyrmalar berdi, dep habarlaidy "Ult aqparat".
Energetika ministri Q. Bozymbaevtyń, investitsiialar jáne damý ministri J. Qasymbektiń, sondai-aq birqatar óńirler ákimderiniń baiandamalaryn tyńdaǵan soń Premer-Ministr Baqytjan Saǵyntaev jalpy biylǵy jylytý maýsymy eleýli tehnologiialyq aqaýsyz, qalypty ótip jatqanyn aitty. Degenmen, bul másele barlyq óńirler ákimderiniń jiti baqylaýynda bolýy kerek.
Budan ózge, keibir óńirlerde qatty aiaz boljanyp otyrǵanyn jáne aldaǵy merekelik kúnderdi eskerip, jergilikti atqarýshy organdarǵa jylýmen, energiiamen jabdyqtaý uiymdaryn qajetti kólemde otynmen, qajetti materialdarmen qamtamasyz etý boiynsha qosymsha sharalar qabyldaýdy, qosymsha tehnikalyq resýrstar tartýdy, tiisti uiymdar men brigadalardyń táýlik boiǵy kezekshiligin uiymdastyrý tapsyryldy. Halyqty jylýmen, sýmen jáne energiiamen jabdyqtaý úshin ákimderdiń naqty sharalar qabyldaý qajettigi atap ótildi.
