Úkimet otyrysy barysynda QR Premer-Ministri Baqytjan Saǵyntaev «Nurly jol» baǵdarlamasynyń jobalaryn qarjylandyrý josparlaryn qaita qaraýdy tapsyrdy.
QR Premer-Ministri Baqytjan Saǵyntaev jalpy 2016 jylǵy baǵdarlamalardyń negizgi sharalary atqarylǵanyn, sonymen qosa jyl qorytyndysy boiynsha belgili igerilmegen qarajattar bar ekenin aitty.
B. Saǵyntaev ótken jyldyń qyrkúieginde Úkimet otyrysynda baǵdarlamalardyń ákimshilerine ýaqytyly igerý men jobalardyń qatań baqylaýda iske asyrylýy týraly tapsyrma bergenin eske saldy.
«Sondyqtan da igerilmeýdiń negizgi sebebi ákimderdiń tarapynan tiisti baqylaýdyń bolmaýynan dep esepteimin. Taǵy bir másele – bólingen qarajatty josparlaý sapasy men igerýdiń merzimi. Qarjylandyrýdyń eki jyldyq josparynda edáýir kólem ekinshi jyldyń sońyna qoiylǵan, sol sebepti muny qalai retke keltirýge bolatyny týraly oilaný kerek. Sondai-aq, igerilmeý qaýipi bar sharalar boiynsha qarajatty qaita bólý usynystaryn engizý qajet», - dedi B. Saǵyntaev.
Sonymen qatar QR Premer-Ministri Baqytjan Saǵyntaev ministrlerge oblys ákimderiniń halyqpen esep berý kezdesýlerine qatysý úshin óńirlerdi aralaý kezinde mindetti túrde «Nurly jol» baǵdarlamasynyń negizgi nysandarynyń qurylys barysymen tanysyp, óz esepterinde sol týraly atap ótýdi tapsyrdy.
2017 jyly «Nurly jol» aiasynda 4 myń shaqyrymnan astam jol salynyp, qaita jóndeledi
Astanada QR Premer-Ministri Baqytjan Saǵyntaevtyń tóraǵalyǵymen Úkimet otyrysy ótip jatyr, otyrys barysynda 2016 jyly «Nurly jol» memlekettik baǵdarlamasynyń júzege asyrylý qorytyndylary men biylǵy jylǵa josparlanǵan jumystar qarastyrylýda.
QR Investitsiialar jáne damý ministri J.Qasymbek 2017-2019 jyldary avtojol salasynda 1,7 trln. teńge somasyna uzyndyǵy 4,4, myń shaqyrym qamtylatyn 23 jobany júzege asyrý qarastyrylǵanyn baiandady.
Bólingen qarajat esebinen 7 ótpeli jobada - Astana-Qaraǵandy, Ortalyq-Shyǵys, Beineý-Aqtaý, Ortalyq-Batys, Qapshaǵai-Taldyqorǵan, Astana Petropavl jáne Oral-Kamenka boiynsha jumystar jalǵastyrylady, jyl qorytyndysy boiynsha 602 shaqyrym jolda jumystardy aiaqtaýda josparlanýda.
Respýblikalyq biýdjetten bólinetin qarajat esebinen jalpy uzyndyǵy 1 myń shaqyrymnan asatyn 8 jańa jobany bastaý josparlanýda. Uzyndyǵy 2 184 shaqyrym bolatyn taǵy 8 jobany qarjylandyrý halyqaralyq qarjy institýttarynyń zaimdary esebinen qarastyrylǵan.
Jalpy, biyl 4,4 shaqyrym joldy salyp, qaita jóndeý jáne oǵan 100 myńǵa jýyq adamdy tartý kózdelip otyr.
Sonymen qatar memlekettik baǵdarlamada turǵyn úi qurylysy máseleleri de qarastyrylǵan. 2016 jyly turǵyn úi qurylysy men infraqurylymyna 400 mlrd. teńge bólingen, ol jalǵa beriletin, nesiege beriletin jáne kommertsiialyq turǵyn úilerdi, injenerlik-kommýnikatsiialyq infraqurylymdy salýǵa jáne Turǵynúiqurylysjinaqbanki salymshylaryn nesielendirýge baǵyttaldy.
Sonyń nátijesinde 2016 jyly 8,3 myńnan astam otbasy turǵyn úimen qamtyldy (478 myń sh.m.), 2017 jyldyń sońyna deiin atalǵan qarajat esebinen qosymsha 33,8 myń otbasy turǵyn úimen qamtamasyz etiledi.
Atalǵan máseleler odan ári de «Nurly jol» baǵdarlamasynyń aiasynda júzege asyrylady.
2016 jyly «Nurly jol» memlekettik baǵdarlamasynyń arqasynda 100 myńnan astam jumys orny ashyldy
«Nurly jol» memlekettik baǵdarlamasynyń júzege asyrylýynyń arqasynda 2016 jyly 100 myńnan astam jumys orny ashyldy. Bul týraly QR Úkimeti otyrysynyń barysynda ulttyq ekonomika ministri Timýr Súleimenov aitty.
QR ulttyq ekonomika ministri T.Súleimenov óziniń jyl saiynǵy Qazaqstan halqyna arnaǵan Joldaýynda Memleket basshysy «Nurly jol» memlekettik baǵdarlamasyna oń baǵasyn bergenin baiandady. Búginde baǵdarlama avtojol, turǵyn úi qurylystaryna, sonymen qatar áleýmettik salaǵa zor serpin bergen ekonomikalyq ósimniń negizgi lokomotivi bolyp tabylady.
«Nurly jol» memlekettik baǵdarlamasynyń aiasynda 2016 jyly 100 myńnan astam jumys orny ashyldy. Jyl qorytyndylary boiynsha maqsatty transfertterdiń 469,6 mlrd. teńgesi nemese ol 99% igerildi. Tolyq igerilmeý jaittary negizinen memlekettik satyp alýlar boiynsha únemdeýlermen bailanysty.
Kólik joldary salasyn damytýǵa 2016 jyly 151,3 mlrd. teńge bólingen, qarajat tolyq igerildi. Bólingen qarajat esebinen 611 shaqyrym avtojolda qurylys-jol jumystary aiaqtaldy. Nátijesinde Astana – Temirtaý, Almaty – Qapshaǵai, Astana – Petropavl baǵyttary boiynsha kólik qozǵalysy ashyldy. Biyl bul baǵyttaǵy jumystar jalǵastyrylady.
Logistikalyq infraqurylymdy damytýǵa 56,4 mlrd. teńge bólindi, ony kvazimemlekettik sektor tolyq igerdi.
Máselen, bólingen qarajat Astana áýejaiynyń jańa terminalynyń, ishki injenerlik jelilerdiń qurylys-montajdaý jáne árleý jumystaryn aiaqtaýǵa, sonymen qatar tehnologiialyq jabdyqty jetkizýdi qamtamasyz etýge múmkindik berdi. Sonymen qatar ótken jyly Indýstriialandyrý kúni aiasynda Memleket basshysy «QTJ UK» AQ júzege asyratyn eń iri nysandardyń iske qosylýyna ruqsat berdi. Onda Almaty-Shý ýchaskesinde ekinshi temirjol joldarynyń jáne Quryq portyndaǵy parom ótkeliniń qurylysy qamtylmaq, bul Qazaqstannyń eksporttyq-tranzittik áleýetine oń yqpalyn tigizip, Eýropa jáne Taiaý Shyǵys elderine shyǵýyna jol ashady.
Sonymen qatar elimizdiń barlyq aimaqtarynda turǵyn úi qurylysy nysandaryna kommýnikatsiialyq infraqurylym júrgizilýde, 2 208 shaqyrym injenerlik jelileri salyndy. Sondai-aq «BJK 2020» aiasynda kásipkerlik nysandaryna jetkiliksiz infraqurylymdy júrgizý boiynsha jumystar jalǵastyrylýda. 2016 jyly 35 biýdjettik investitsiialyq jobalardy júzege asyrýǵa 77 ShOB sýbektilerine infraqurylym júrgizildi.
Memlekettik baǵdarlama aiasynda bilim berý salasynda infraqurylymdy damytýǵa erekshe kóńil bólingen, atap aitqanda 2018 jylǵa qarai apatty jáne úsh aýysymda oqytatyn mektepterdi tolyq joiý kózdelgen. Qazir 52 nysan paidalanýǵa berildi, onyń ishinde 35 mektep pen 17 balabaqsha bar.
"Ult aqparat"
