Almaty ákimi Baqytjan Saǵyntaev núkteli qurylystar týraly aitqan almatylyqtardyń shaǵymdaryn tyńdap, másele sheshimin tapqansha kópqabatty úidiń qurylysyn toqtatýdy tapsyrdy, dep habarlaidy "Ult aqparat".
Ákimmen eseptik kezdesý kezinde almatylyq Tolqyn Oraihanova Nazarbaev dańǵylyndaǵy № 176 jáne 220/3 úi turǵyndary atynan salynyp jatqan nysanǵa qatysty suraq qoiǵan bolatyn.
Onlain-sharadan keiin B.Saǵyntaev atalǵan qurylys nysanyna bardy. Bul týraly ol Instagram-daǵy óz paraqshasynda jazdy.
«Ol jerge baryp, turǵyndarmen jáne qurylysshylarmen kezdestim. Eki tarapty da tyńdap, jaýapty adamdarǵa týyndaǵan jaǵdaidy egjei-tegjeili anyqtaýdy tapsyrdym. Másele sheshimin tapqansha qurylys jumysy toqtatylady» -, dep atap ótti qala basshysy.
Aita keteiik, búgin qala ákimi B. Saǵyntaevtyń turǵyndarmen eseptik kezdesýi onlain rejiminde ótti.
Shahar basshysy qalalyqtar qoiǵan barlyq saýaldardyń mańyzdylyǵyn, olardyń árqaisysyna túsinikter berilip, sheshimder qabyldanatynyn atap ótti.
