Elbasy tapsyrmasy boiynsha QR Premer-Ministri Baqytjan Saǵyntaev jumys saparymen Qyzylorda oblysyna bardy, dep habarlaidy "Ult aqparat" primeminister.kz saityna silteme jasap.
Sapardyń maqsaty - Prezident Nursultan Nazarbaevtyń «Qazaqstannyń úshinshi jańǵyrýy: jahandyq básekege qabilettilik», «Tórtinshi ónerkásiptik revoliýtsiia jaǵdaiyndaǵy damýdyń jańa múmkindikteri» Joldaýlary men Bes áleýmettik bastamasy aiasynda bergen tapsyrmalarynyń júzege asyrylý barysymen tanysý.
Baqytjan Saǵyntaev 2018 jyly áleýmettik-ekonomikalyq damýdyń maqsatty indikatorlaryna qol jetkizý boiynsha oblystyń jobalyq baqylaý jumystarynyń júiesi jáne Memleket basshysynyń Joldaýlaryn iske asyrý máseleleri boiynsha óńir aktivimen, aýdan ákimderimen jáne biznes ókilderimen kezdesý ótkizdi.
Kezdesýde Elbasynyń ósimniń jańa modelin qalyptastyrý boiynsha alǵa qoiǵan mindetterin júzege asyrý máseleleri talqylandy, ol úshin ekonomikanyń barlyq mańyzdy baǵyttary boiynsha jobalyq basqarý júiesi engizildi. Bul - jappai kásipkerlikti damytý, investitsiialar tartý, indýstriialandyrý, AÓK, ónimdi jumyspen qamtý, tsifrlandyrý, tehnologiialyq jańǵyrtý jáne Indýstriia 4.0 elementterin engizý. Árbir joba boiynsha maqsatty kórsetkishter belgilengen.
Qyzylorda oblysynyń ákimi Qyrymbek Kósherbaev óńirdiń jobalyq basqarýy aiasyndaǵy jańa jahandyq shynaiylyq jaǵdaiynda ekonomikanyń sapaly ári turaqty ósimin qamtamasyz etýge qajetti atqarylyp jatqan jumystar týraly, sondai-aq negizgi maqsatty indikatorlar týraly baiandady.
Talqylaýǵa biznes ókilderi de qatysty. «Atameken» ulttyq kásipkerler palatasy basqarma tóraǵasynyń orynbasary E. Jumaǵaziev jobalyq basqarý mindetterin iske asyrýǵa biznesti tartýdyń basymdyqty baǵyttary týraly aityp berdi.
QR Premer-Ministri Baqytjan Saǵyntaev kásipkerlikti damytý Úkimettiń basty basymdyqtarynyń biri ekenin atap ótti. Bul - elimizdiń ekonomikalyq ósiminiń jańa modelin qurýdyń basty baǵyty. Osyǵan orai Úkimet kásipkerlik ahýalyn jaqsartý jáne ShOB sýbektileriniń iskerlik belsendiligin yntalandyrý boiynsha júieli sharalar qabyldap jatyr.
Búgingi tańda litsenziialar men ruqsattar sany 3 eseden astamǵa qysqartyldy. Memlekettik baqylaý jáne qadaǵalaý fýnktsiialaryna tekseris júrgizildi: baqylaýdyń 25 salasy jáne qadaǵalaýdyń 3 salasy alynyp tastalady. ShOB sýbektilerin tekserýdiń 17,6 myńnan astam talaptary qysqartyldy, memlekettik organdarǵa esepter men aqparattyń ártúrli túrlerin usyný boiynsha bizneske qoiylatyn aqparattyq talaptar sany 30%-ke azaidy.
Bizneske qolaily jaǵdailar jasaý men qaita retteýge baǵyttalǵan zań jobasy Parlamentte qaralyp jatyr. Densaýlyq saqtaý jáne bilim berý uiymdaryna qoiylatyn 30-dan astam eskirgen sanitarlyq erejeler joiylady. Salyqtyq tekserister sany 40%-ke azaiady.
Otandyq biznesti damytýǵa qoldaý kórsetý maqsatynda Memleket basshysy «Shaǵyn nesie berýdi kóbeitý» tórtinshi áleýmettik bastamasyn jariia etti. Bul maqsatqa qosymsha 20 mlrd teńge bólinedi (aýyldyq jerlerde nesie berýge - 14 mlrd teńge, qalalarda nesie berý úshin - 6 mlrd teńge).
Prezidenttiń tapsyrmasyna sáikes, ózin-ózi jumyspen qamtyǵan azamattar men halyqtyń ekonomikalyq belsendi emes toptaryn ekonomikany damytýǵa tartý jónindegi mindetterdi oryndaýǵa, sondai-aq tsifrlandyrý men avtomattandyrýdy eskere otyryp mamandardy daiarlaý jáne qaita daiarlaý máselesine erekshe kóńil bólindi. Oblystyń kadrlyq áleýetin nyǵaitý, joǵary bilim berýdiń qoljetimdiligi men sapasyn arttyrý, bes áleýmettik bastama sheńberinde stýdent jastardyń jataqhanadaǵy jaǵdailaryn jaqsartý jónindegi sharalar qaraldy.
Talqylaýdy qorytyndylai otyryp, Baqytjan Saǵyntaev Úkimet biznesti damytýǵa ne kedergi keltiretinin, sheshimin tabýdyń qandai joldary bar ekenin jáne qalai kómektesýge bolatynyn bilýi qajet ekenin aitty. Jobalyq basqarý biznes jáne memlekettik organdarǵa únemi bailanysta bolýǵa, kásipkerlikti damytýdyń máselelerin shuǵyl sheshýge, suraqtar men usynystardy tyńdaýǵa múmkindik beredi. Budan ózge, jańa óndiris oryndaryn ashý men biznesti nesielendirý turǵysynan naryq qajettilikterine taldaý jasaý kerektigi kórsetilgen.
QR Premer-Ministri Baqytjan Saǵyntaevtyń Qyzylorda oblysyna jumys sapary barysynda Prezidenttiń bes áleýmettik bastamasyn iske asyrý boiynsha áleýmettik sala qyzmetkerlerimen kezdesý, Indýstriialyq-innovatsiialyq damý, AÓK memlekettik baǵdarlamalary sheńberinde jáne ekonomikany ártaraptandyrý maqsatynda júzege asyrylyp jatqan birqatar ónerkásiptik jáne agrarlyq kásiporyndardy aralaý, sondai-aq, ǵarysh salasynyń damýymen, Baiqońyr qalasynyń infraqurylymy men ǵarysh ailaǵymen tanysý josparlanǵan.
Aral mańynda Aral óńiriniń aktivi men jurtshylyǵymen Soltústik Aral jobalary men Prezidenttiń bes áleýmettik bastamasyn iske asyrý máselelerin talqylaý boiynsha kezdesý ótkiziledi.
