Qala ákimi Baqytjan Saǵyntaev tikelei efirde ótip jatqan turǵyndarmen eseptik kezdesýinde vaktsinatsiianyń birinshi kezeńi týraly aitty, dep habarlaidy "Ult aqparat".
Turǵyndardyń suraǵyna jaýap bergen qala ákimi vaktsinatsiianyń qalai ótip jatqanyna toqtaldy.
«Bizdiń QazCovid-in vaktsinasyn eki myńdai erikti azamat saldyrdy. Eki ýkolyn da aldy. Eshqandai qiyn jaǵdai bolǵan joq. Azdap janama áserler bolǵanymen, basqasynyń bári durys», - dedi Baqytjan Saǵyntaev.
Sonymen qatar, ol kvota boiynsha birinshi jartyjyldyqta Almatyda turǵyndarǵa 150 myń dozanyń qabyldatynyn aitty.
«Qazir vaktsinalardy infektsiialyq statsionarlardyń, jedel járdemniń dárigerleri, emhanalardyń filtrli jáne qyzyl aimaqtarda jumys isteitin dárigerleri men medbikeleri, sondai-aq sanitarlyq-epidemiologiialyq qyzmettiń qyzmetkerleri alyp jatyr», - dedi qala ákimi.
2 naýryzdan bastap politsiia qyzmetkerleri, áskeri qyzmetkerler, orta mektepterdiń, joǵary oqý oryndarynyń muǵalimderi, meditsina qyzmetkerleri vaktsinalaýdan ótedi.
Sáýir aiynan bastap mektep-internattardyń, mektepke deiingi mekemelerdiń muǵalimderi,oqýshylar jáne sozylmaly aýrýlary bar adamdar egiledi.
Ári qarai tilek bildirgen azamattar vaktsina ala alady. Vaktsina tegin jáne ázirshe vaktsinalaýǵa aqsha qarastyrylmaǵan.
«Vaktsinany aqyly túrde salý máselesi áli sheshilgen joq, buǵan deiin Prezident ekpe memleket esebinen salynatynyn aitqan, sondyqtan bul máseleni áli de anyqtaimyz. Al ekpe alýǵa kelsek, men de halyqpen birge osy vaktsinany alýǵa daiynmyn», - dedi Baqytjan Saǵyntaev.
