Ońtústik astanada 40 kópbalaly otbasy jańa páterge ie boldy, dep habarlaidy "Ult aqparat".
Kópbalaly otbasylarǵa «Nurly jer» memlekettik baǵdarlamasy aiasynda Alataý aýdanynyń Saialy móltek aýdanynan jańa turǵyn úi berildi.
Úsh bólmeli páter kiltterin kópbalaly otbasylardyń analaryna saltanatty túrde qala basshysy Baqytjan Saǵyntaev tabystady.
«Bul - bárimiz úshin de úlken ári qýanyshty oqiǵa. Otbasylaryńyzǵa amandyq, densaýlyq pen baqyt tileimin», - dep quttyqtady qala ákimi.
Jalpy Almaty qalasynyń Turǵyn úi saiasaty basqarmasynyń málimeti boiynsha, búgingi kúni Almatyda 24 900 azamat baspana kezeginde tur. Onyń - 1884-i kópbalaly otbasy.
«Nurly jer» baǵdarlamasy júzege asyrylǵaly - sońǵy úsh jylda muqtaj jandarǵa 9 myńnan astam páter berilgen. Olardyń 700-ge jýyǵy kóp balaly otbasylarǵa úlestirilgen.
Sonymen qatar, kóp balaly otbasylar úshin «Baqytty otbasy» qalalyq baǵdarlamasy boiynsha 284 páter satylyp alynǵan.
«Baqytty otbasy» respýblikalyq baǵdarlamasyna sáikes, bankten oń sheshim alǵan jergilikti atqarýshy organ tizimindegi kezekte 201 otbasy tur.
«Elbasymyzǵa kópbalaly analardy qoldaǵany úshin kóp rahmet. Bul kúndi 10 jyl kúttik. Otbasymyzben qatty qýanyp otyrmyz. Buǵan deiin týystarymyzdyń páterinde birge turǵan edik», - deidi Anar Oshaqbaeva atty segiz balanyń anasy.
