وڭتٷستٸك استانادا 40 كٶپبالالى وتباسى جاڭا پەتەرگە يە بولدى, دەپ حابارلايدى "ۇلت اقپارات".
كٶپبالالى وتباسىلارعا «نۇرلى جەر» مەملەكەتتٸك باعدارلاماسى اياسىندا الاتاۋ اۋدانىنىڭ سايالى مٶلتەك اۋدانىنان جاڭا تۇرعىن ٷي بەرٸلدٸ.
ٷش بٶلمەلٸ پەتەر كٸلتتەرٸن كٶپبالالى وتباسىلاردىڭ انالارىنا سالتاناتتى تٷردە قالا باسشىسى باقىتجان ساعىنتاەۆ تابىستادى.
«بۇل - بەرٸمٸز ٷشٸن دە ٷلكەن ەرٸ قۋانىشتى وقيعا. وتباسىلارىڭىزعا اماندىق, دەنساۋلىق پەن باقىت تٸلەيمٸن», - دەپ قۇتتىقتادى قالا ەكٸمٸ.
جالپى الماتى قالاسىنىڭ تۇرعىن ٷي ساياساتى باسقارماسىنىڭ مەلٸمەتٸ بويىنشا, بٷگٸنگٸ كٷنٸ الماتىدا 24 900 ازامات باسپانا كەزەگٸندە تۇر. ونىڭ - 1884-ٸ كٶپبالالى وتباسى.
«نۇرلى جەر» باعدارلاماسى جٷزەگە اسىرىلعالى - سوڭعى ٷش جىلدا مۇقتاج جاندارعا 9 مىڭنان استام پەتەر بەرٸلگەن. ولاردىڭ 700-گە جۋىعى كٶپ بالالى وتباسىلارعا ٷلەستٸرٸلگەن.
سونىمەن قاتار, كٶپ بالالى وتباسىلار ٷشٸن «باقىتتى وتباسى» قالالىق باعدارلاماسى بويىنشا 284 پەتەر ساتىلىپ الىنعان.
«باقىتتى وتباسى» رەسپۋبليكالىق باعدارلاماسىنا سەيكەس, بانكتەن وڭ شەشٸم العان جەرگٸلٸكتٸ اتقارۋشى ورگان تٸزٸمٸندەگٸ كەزەكتە 201 وتباسى تۇر.
«ەلباسىمىزعا كٶپبالالى انالاردى قولداعانى ٷشٸن كٶپ راحمەت. بۇل كٷندٸ 10 جىل كٷتتٸك. وتباسىمىزبەن قاتتى قۋانىپ وتىرمىز. بۇعان دەيٸن تۋىستارىمىزدىڭ پەتەرٸندە بٸرگە تۇرعان ەدٸك», - دەيدٸ انار وشاقباەۆا اتتى سەگٸز بالانىڭ اناسى.
