QR Premer-Ministri Baqytjan Saǵyntaev kómirdiń ishki naryǵynda ótken jylǵydai jaǵdaiǵa jol bermeýdiń amaldaryn atady, dep habarlaidy QazAqparat.
«Jalpy, jylytý maýsymyna daiyndyq jumystary júrip jatyr, degenmen qatar bul baǵyttaǵy sharalardy jedeldetý qajet. Áleýmettik sala nysandary men turǵyn úilerdi jylýmen, energiiamen ýaqytyly ári sapaly qamtamasyz etýge ákimder jaýapty ekenin taǵy da eske salamyn. Tutynýshylardy kómirmen qamtamasyz etýdi máselesin erekshe nazarǵa alý kerek», - dedi Premer-Ministr Úkimet otyrysynda.
Osy oraida B. Saǵyntaev Úkimet tarapynan ishki naryqty kómirmen úzdiksiz jabdyqtaý úshin barlyq qajetti sharalar qabyldanǵanyn, sondai-aq vagon tapshylyǵy boiynsha máseleler tolyǵymen sheshilgenin atap ótti.
«Búgingi kúni kómirdi jóneltýge qatysty problema joq. Sondyqtan halyqty sapaly kómirmen qajetti kólemde ýaqytyly qamtamasyz etýde jáne oǵan baǵa belgileý úshin óńirlerdiń ákimderi tikelei jaýapty. Kómirdiń ishki naryǵynda ótken jylǵydai jaǵdaiǵa jol bermeý úshin óńirler ákimderi eki apta merzimde kómirdi daiarlaý men satý beketteriniń jai-kúiine, kómirdi jetkizý kestelerine, otyn baǵasynyń negizdiligi men sapasyna tekserý júrgizýi kerek. Qajet bolǵan jaǵdaida bul jumysqa ortalyq memlekettik organdardyń tiisti aýmaqtyq bólimsheleri men «Atameken» UKP ókilderin qatystyrylýy tiis», - dep túidi Úkimet basshysy.
Osy oraida Baqytjan Saǵyntaev bul baǵyttaǵy jumystardy birinshi orynbasary Asqar Maminge baqylaýǵa alýdy júktedi.
Budan buryn habarlanǵandai, búgin Úkimet otyrysynda QR Investitsiialar jáne damý ministri Jeńis Qasymbek el óńirlerin kómirmen qamtamasyz etý barasy jaiynda baiandady.
.jpeg)