Búgin Úkimet úiinde QR Premer-Ministri Baqytjan Saǵyntaev Qazaqstannyń Eýropalyq Biznes Qaýymdastyǵynyń (QEBQ) ókilderimen elimizdiń biznes ahýalyn jaqsartý máseleleri boiynsha kezdesý ótkizdi, dep habarlaidy "Ult aqparat" primeminister.kz portalyna silteme jasap.
Kezdesý barysynda memlekettik-jekeshelik áriptestik tetikterin jetildirý máseleleri talqylanyp, Qazaqstannyń týrizm salasyn damytý keleshegi qaraldy.
Talqylaýǵa QR-daǵy Eýropalyq Odaq ókildiginiń basshysy, elshi T. Hristea, QEBQ atqarýshy direktory Iu. Kýsidi, direktorlar keńesiniń músheleri: QR jáne Ortalyq Aziiadaǵy Ernst&Young basqarýshy seriktesi E. Dosymbekov, Air Astana prezidenti P. Foster, Ortalyq Aziiadaǵy Procter&Gamble direktory O. Voronova qatysty.
