Úkimet otyrysy barysynda QR Premer-Ministri Baqytjan Saǵyntaev aimaqtardaǵy ákimdikter men jaýapty memlekettik organdarǵa sý tasqyny jaǵdaiyn erekshe baqylaýǵa alýdy tapsyrdy, - dep habarlaidy "Ult aqparat".
Negizgi kún tártibin talqylaýǵa kóshpes buryn QR Premer-Ministri QR ishki ister ministriniń, sondai-aq Aqmola, Qaraǵandy, Soltústik Qazaqstan, Qostanai, Pavlodar oblystarynyń aimaqtardaǵy qazirgi sý tasqyny jaǵdaiy boiynsha, sonymen qatar tótenshe jaǵdailarǵa jol bermeý sharalary jaily baiandamalaryn tyńdady.
Baqytjan Saǵyntaev qazirgi kezde elimizdiń soltústik jáne ortalyq aimaqtarynda qar jyldam erip jatqanyn atap ótti, soǵan bailanysty sý qoimalarynda sý deńgeii kúrt kóterilip, eldi mekender men joldar sý astynda qalyp jatyr.
QR Premer-Ministri ákimdikter men jaýapty memlekettik organdarǵa tótenshe jaǵdailarǵa jol bermeý úshin barlyq qajetti sharalardy qabyldap, atalǵan máseleni erekshe baqylaýǵa alýdy tapsyrdy.
