Búgin Úkimet úiinde QR Premer-Ministri Baqytjan Saǵyntaev Qazaqstan Respýblikasyndaǵy Qyrǵyzstan Respýblikasynyń Tótenshe jáne Ókiletti elshisi Jeenbek Kýlýbaevpen kezdesý ótkizdi, dep habarlaidy "Ult aqparat".
Kezdesý barysynda saýda-ekonomikalyq, mádeni-gýmanitarlyq, týristik saladaǵy ekijaqty yntymaqtastyq máseleleri, sondai-aq aqyldy qalalardy damytý jáne tsifrlandyrý máseleleri talqylandy. Atap aitqanda, metallýrgiia, azyq-túlik salasy, mashina jasaý, qurylys materialdary jáne himiia ónimderi sekildi salalarda Qyrǵyzstanǵa eksport nomenklatýrasyn keńeitý keleshegi qaraldy. Budan ózge, óńiraralyq jáne shekara mańy ózara is-qimylyna qatysty máseleler qaraldy.
J. Kýlýbaev Qazaqstandaǵy Qyrǵyzstan Respýblikasynyń elshisi laýazymyna ótken jyldyń sońynda taǵaiyndaldy. QR Prezidenti N. Nazarbaev 2018 jylǵy 12 jeltoqsanda senim gramotalaryn qabyldady.
2018 jyldyń 11 aiynyń qorytyndysy boiynsha Qazaqstan men Qyrǵyzstan arasyndaǵy taýar ainalymy $757,7 mln qurady, bul 2017 jyldyń uqsas kezeńimen salystyrǵanda 10,2% ($687,6 mln) artyq. 2018 jyldyń qańtar-qarasha ailarynda Qazaqstannan eksport 18,7% ósip, $548,9 mln qurady.
