Búgin Úkimet úiinde QR Premer-Ministri Baqytjan Saǵyntaev Ekonomikalyq yntymaqtastyq jáne damý uiymymen (EYDU) ózara is-qimyl jónindegi keńes otyrysyn ótkizdi, dep habarlaidy "Ult aqparat" primeminister.kz portalyna silteme jasap.
Otyrys barysynda 2019-2020 jyldarǵa arnalǵan jańa birlesken jobalardy júzege asyrý perspektivalary, sondai-aq, Sybailas jemqorlyqqa qarsy kúres jónindegi is-qimyldyń Ystambul jospary aiasynda Yntymaqtastyq jáne ózara is-qimyl týraly memorandýmǵa qol qoiý máseleleri talqylandy. Buǵan qosa, biyl qarasha aiynda Parijde ótetin Eýraziia aptalyǵy - 2018 sharasyna Qazaqstannyń qatysý máselesi qaraldy.
Búginde EYDU-men yntymaqtastyq boiynsha 8 pysyqtalǵan joba bar jáne 2 joba daiyndalý satysynda tur. Olardyń arasynda básekege qabilettilikti arttyrý jáne jer qoinaýyn paidalaný, tsifrlandyrý, týrizm jáne t.b. salalarǵa tikelei sheteldik investitsiialardy tartýǵa baǵyttalǵan jobalar bar.
Qazaqstan sybailas jemqorlyqqa qarsy zańnamany jetildirý jáne qabyldanyp jatqan sharalar aiasynda 2004 jyldan bastap EYDU-nyń sýbaimaqtyq baǵdarlamasy - Sybailas jemqorlyqqa qarsy kúres jónindegi is-qimyldyń Ystambul josparyna qatysady.
