بٷگٸن ٷكٸمەت ٷيٸندە قر پرەمەر-مينيسترٸ باقىتجان ساعىنتاەۆ ەكونوميكالىق ىنتىماقتاستىق جەنە دامۋ ۇيىمىمەن (ەىدۇ) ٶزارا ٸس-قيمىل جٶنٸندەگٸ كەڭەس وتىرىسىن ٶتكٸزدٸ, دەپ حابارلايدى "ۇلت اقپارات" primeminister.kz پورتالىنا سٸلتەمە جاساپ.
وتىرىس بارىسىندا 2019-2020 جىلدارعا ارنالعان جاڭا بٸرلەسكەن جوبالاردى جٷزەگە اسىرۋ پەرسپەكتيۆالارى, سونداي-اق, سىبايلاس جەمقورلىققا قارسى كٷرەس جٶنٸندەگٸ ٸس-قيمىلدىڭ ىستامبۇل جوسپارى اياسىندا ىنتىماقتاستىق جەنە ٶزارا ٸس-قيمىل تۋرالى مەموراندۋمعا قول قويۋ مەسەلەلەرٸ تالقىلاندى. بۇعان قوسا, بيىل قاراشا ايىندا پاريجدە ٶتەتٸن ەۋرازييا اپتالىعى - 2018 شاراسىنا قازاقستاننىڭ قاتىسۋ مەسەلەسٸ قارالدى.
بٷگٸندە ەىدۇ-مەن ىنتىماقتاستىق بويىنشا 8 پىسىقتالعان جوبا بار جەنە 2 جوبا دايىندالۋ ساتىسىندا تۇر. ولاردىڭ اراسىندا بەسەكەگە قابٸلەتتٸلٸكتٸ ارتتىرۋ جەنە جەر قويناۋىن پايدالانۋ, تسيفرلاندىرۋ, تۋريزم جەنە ت.ب. سالالارعا تٸكەلەي شەتەلدٸك ينۆەستيتسييالاردى تارتۋعا باعىتتالعان جوبالار بار.
قازاقستان سىبايلاس جەمقورلىققا قارسى زاڭنامانى جەتٸلدٸرۋ جەنە قابىلدانىپ جاتقان شارالار اياسىندا 2004 جىلدان باستاپ ەىدۇ-نىڭ سۋبايماقتىق باعدارلاماسى - سىبايلاس جەمقورلىققا قارسى كٷرەس جٶنٸندەگٸ ٸس-قيمىلدىڭ ىستامبۇل جوسپارىنا قاتىسادى.
