Búgin Úkimet úiinde Qazaqstan Respýblikasynyń Premer-Ministri Baqytjan Saǵyntaev Eýraziia damý bankiniń (EADB) basqarma tóraǵasy Andrei Belianinovpen kezdesý ótkizdi, dep habarlaidy "Ult aqparat".
Kezdesý barysynda Bank jumysynyń 2018 jylǵy qorytyndysy jáne qyzmettiń aldaǵy jylǵa arnalǵan perspektivalyq baǵyttary qaraldy. Sonymen qatar, Banktiń iri infraqurylymdyq jobalardy iske asyrýǵa qatysýy jónindegi máseleler talqylandy.
Budan ózge, EADB tehnikalyq kómek kórsetý qorynyń jumysyn jetildirý máselesine kóńil bólindi.
Aita keteiik, Eýraziia damý banki — Qazaqstan men Resei Prezidentteriniń bastamasymen 2006 jyly qurylǵan halyqaralyq qarjy uiymy. Armeniia, Belarýs, Qyrǵyzstan jáne Tájikstan da Bank qatysýshylary. EADB jańa qatysýshylar – memleketter men halyqaralyq uiymdardyń qosylýyn quptaidy. EADB shtab-páteri Almatyda ornalasqan. Banktiń barlyq múshe elderde aýmaqtyq bólimsheleri bar.
Bank missiiasy — qatysýshy memleketterdiń ekonomikalyq ósimine, olardyń arasyndaǵy saýda-ekonomikalyq bailanystardyń keńeiýine jáne eýraziialyq keńistikte integratsiialyq úderisterdiń damýyna járdemdesý. Banktiń investitsiialyq qyzmetiniń basym maqsatty salalary — infraqurylym (kólik, kommýnaldyq jáne t.b.), elektr energetikasy, mashina jasaý, himiia, munai-gaz, metallýrgiia jáne taý-ken óndirý ónerkásibi, sondai-aq agroónerkásip kesheni, qarjy sektory jáne aqparattyq tehnologiialar.
2018–2022 jyldarǵa arnalǵan strategiiaǵa sáikes, Bank jobalyq-investitsiialyq qyzmetpen qatar, aktsioner memleketterdiń ekonomikalyq birigýin ilgeriletý maqsatynda eseptik-kliringilik operatsiialardy júzege asyrady.
