Búgin Úkimet otyrysy barysynda QR Premer-Ministri Baqytjan Saǵyntaev ministrler kabinetine Memleket basshysy Nursultan Nazarbaevtyń óńirlerdi áleýmettik-ekonomikalyq damytý men memlekettik baǵdarlamalardy iske asyrý boiynsha 18 tamyzda ótken keńeste bergen jarlyqtaryn oryndaý boiynsha birqatar tapsyrmalar berdi, dep habarlaidy "Ult aqparat".
Baqytjan Saǵyntaev Memleket basshysy belgilegen mindetterdi iske asyrý aiasynda jaýapty memlekettik organdarǵa jáne ákimdikterge «Nurly Jol» memlekettik baǵdarlamasy boiynsha qarajattardy igerý máselesin turaqty baqylaýda ustaýdy tapsyrdy. Ásirese bilim berý nysandary turǵysyna erekshe kóńil bólý tapsyryldy. Osyǵan orai, Ulttyq ekonomika ministrligine ai saiyn nysandardyń ýaqytyly ótkizilýine monitoring júrgizip, Úkimetke aqparat berip otyrý tapsyryldy.
«Nurly jer» baǵdarlamasy boiynsha QR IDM-ge «Báiterek» holdingimen jáne óńirlerdiń ákimderimen birlesip 1 qazanǵa deiin baǵdarlamaǵa ekinshi deńgeili bankterdi belsendirek tartý men ony iske asyrýdyń tiimdiligin arttyrý úshin, baǵdarlama tetikterine túzetýlerdi qarastyratyn Úkimet sheshiminiń jobasyn engizý týraly tapsyrma berildi.
QR IDM-ge QR AKM-men birlesip baǵdarlama tetikterin aqparattyq súiemeldeý boiynsha media-jospardy bekitip, atalǵan jumysqa oblystardyń ákimderin tartý júkteldi.
Indýstrialdy-innovatsiialyq damý memlekettik baǵdarlamasy boiynsha tsifrlandyrý men jańa tehnologiialardy engizý esebinen baǵdarlama tiimdiligin arttyrý qajettigi baiqalǵan. Osyǵan orai, QR IDM-ge ákimdiktermen jáne múddeli uiymdarmen básekege qabiletti eksporttyq óndiristerdi damytý boiynsha jumysty úilestirý tapsyryldy.
Sondai-aq QR Premer-Ministri óńirlerdiń ákimderine indýstriialandyrýdyń óńirlik kartalary aiasynda engizilgen, barlyq toqtap turǵan kásiporyndardy iske qosý boiynsha naqty jumystardy júrgizýdi jáne 1 jeltoqsanǵa deiin olardyń jumysyn qaita jandandyrýdy tapsyrdy.
AÓK damytý boiynsha, QR Aýyl sharýashylyǵy ministrligine Qazaqstannyń qarjygerler qaýymdastyǵymen, «Atameken» UKP jáne oblystardyń ákimderimen birlesip bir ailyq merzimde iri agroholdingterdiń qarjylyq saýyqtyrý jumystarynyń egjei-tegjeili taldaýyn jasap, Úkimetke tiisti usynystardy jiberý júkteldi.
Budan ózge, QR Premer-Ministri ózara saqtandyrý qoǵamdarynyń qyzmetin retteý arqyly, 2018 jylǵy 1 qańtarǵa deiin ósimdik sharýashylyǵyndaǵy mindetti saqtandyrý máseleleri boiynsha zańnamaǵa ózgerister men tolyqtyrýlar ázirleýdi tapsyrdy.
Ónimdi jumyspen qamtý jáne jappai kásipkerlikti damytý baǵdarlamasyn iske asyrý aiasynda eńbek, ulttyq ekonomika, qarjy jáne aýyl sharýashylyǵy ministrlikterine óńirlerdiń ákimderimen birlesip, Úkimetke aimaqtyq kvotalardy ulǵaitý, elimizdiń ońtústik óńirlerinen soltústikke erikti túrde kóshýge yntalandyrý jáne qajetti esepterdi daiyndaý boiynsha usynystardy Úkimetke jiberý tapsyryldy.
QR UEM men QR AShM-ge ákimdermen birlesip, bir ai ishinde halyqty shaǵyn nesielendirýmen qamtamasyz etý kólemin ulǵaitý, sonyń ishinde «Biznes – Bastaý» jobasy boiynsha qarjylandyrylǵan startaptardyń úlesin arttyrý týraly tapsyrmalar berildi. B. Saǵyntaev óńir ákimderine baǵdarlamany iske asyrý aiasynda azamattardy zeinetaqy júiesine jáne mindetti áleýmettik meditsinalyq saqtandyrýǵa tartý úshin turaqty jumys oryndaryn ashýǵa erekshe kóńil bólý kerektigin aitty.
Ulttyq eksporttyq strategiia turǵysynan QR IDM-ge tiisti memlekettik organdarmen birlesip, bir ailyq merzimde eksportshylarǵa qoldaý kórsetý máselesinde ministrlikterdiń, jergilikti atqarýshy organdardyń jáne Kazakh Export ulttyq kompaniiasynyń jaýapkershilik aimaqtaryn bólý boiynsha naqty usynystar berý júkteldi.
Budan ózge, QR UEM-ge jaýapty memlekettik organdarmen jáne ÚEU-men bizneske «Azamattarǵa arnalǵan úkimet» korporatsiiasynyń qyzmeti tárizdi memlekettik qyzmetterdi kórsetý boiynsha usynystardy zerttep, usyný tapsyryldy.
Mádeniet jáne sport, bilim jáne ǵylym, aqparat jáne kommýnikatsiialar, din isteri jáne azamattyq qoǵam, qarjy ministrlikterine, óńirlerdiń ákimdikterine «Rýhani jańǵyrý» baǵdarlamasy aiasynda jobalardyń ýaqytyly iske asyrylýyn jeke baqylaýǵa alý tapsyryldy.
«Alǵa qoiylǵan mindetterdi múltiksiz oryndap, jumysymyzǵa tiisti túzetýler engizýimiz qajettigine basa nazar aýdarýǵa tiispiz», - dedi Baqytjan Saǵyntaev.
