Baqytjan Saǵyntaev Úkimet múshelerine QR Prezidentiniń Joldaýyn iske asyrýǵa bailanysty naqty mindetterdi júktedi
Keshe QR Prezidenti N. Nazarbaevtyń Qazaqstan halqyna jańa Joldaýynyń aiasynda bergen tapsyrmalaryn iske asyrý máseleleri jóninde QR Úkimetiniń otyrysy ótti.
QR Premer-Ministri Baqytjan Saǵyntaev QR Prezidenti Nursultan Nazarbaevtyń Úkimet aldyna Qazaqstannyń úshinshi jańǵyrtylýyn júrgizý týraly mindet qoiǵanyn aitty. Ony júzege asyrý úshin elimizdiń básekege qabilettiligin arttyratyn ekonomikalyq ósimniń jańa úlgisin qurý qajet.
Osyǵan orai, Memleket basshysy bes negizgi basymdyqty belgiledi:
Birinshi basymdyq – ekonomikanyń qarqyndy tehnologiialyq jańǵyrtylýy.
Ekinshi basymdyq - biznes-ortany túbegeili jaqsartý jáne keńeitý.
Úshinshi basymdyq – makroekonomikalyq turaqtylyqpen qamtamasyz etý.
Joldaýdyń tórtinshi basymdyǵy – adam kapitalyn sapaly túrde jaqsartý.
Besinshi basymdyq - institýtsionaldyq qaita qurý, qaýipsizdik jáne sybailas jemqorlyqpen kúres.
Atalǵan basymdyqtardy iske asyrý úshin, QR Premer-Ministri ministrlikter men vedomstvolarǵa birqatar naqty tapsyrmalar berip, olardy atqarýǵa jaýaptylardy belgiledi.
Eske sala keteiik, jaqynda Memleket basshysy N. Nazarbaev Qazaqstan halqyna jaqyn keleshektegi elimizdi damytýdyń negizgi basymdyqtary kórsetilgen jyl saiynǵy Joldaýyn joldaǵan bolatyn.
QR Premer-Ministri Baqytjan Saǵyntaev «Tsifrlyq Qazaqstan» baǵdarlamasyn ázirleýdi jedeldetýdi tapsyrdy
QR Prezidenti Nursultan Nazarbaevtyń Joldaýyn júzege asyrý máseleleri boiynsha ótken Úkimet otyrysy barysynda QR Premer-Ministri Baqytjan Saǵyntaev «Tsifrlyq Qazaqstan» baǵdarlamasyn ázirleýdi jedeldetýdi tapsyrdy.
Premer-Ministr QR Prezidenti Nursultan Nazarbaev Úkimet aldynda Qazaqstannyń úshinshi jańǵyrýyn júrgizý boiynsha mindet qoiyp otyrǵanyn atap ótti. Ony júzege asyrý úshin elimizdiń básekege qabilettiligin arttyrýdy qamtamasyz etetin ekonomikalyq ósimniń jańa úlgisin qurý qajet. Osyǵan bailanysty Memleket basshysy bes negizgi basymdyqty atady.
Birinshi basymdyq – bul ekonomikany jedeldetilgen tehnologiialyq jańǵyrtý. Bul tusta basty maqsat dástúrli sektorlar men qyzmetter toǵysynda tsifrlyq tehnologiialardy qoldanýmen jańa indýstriialar qurý bolyp tabylady.
«3D-printing, onlain-saýda, mobildi banking, ónerkásiptik ǵalamtor, kásibi qyzmet salasyndaǵy sandyq servister tárizdi perspektivaly salalardy damytý týraly bolyp otyr. Jańa tehnologiialar men biznes-modelderdiń jyldam taralýy búginniń ózinde atalǵan salalardy retteýde jańa talaptar qoiyp otyr. Osy maqsatta Elbasy «Tsifrlyq Qazaqstan» baǵdarlamasyn ázirlep, bizdiń zańnamamyzdy IT-tehnologiialardy damytý úshin yntalandyrýǵa beiimdeýdi tapsyrdy», - dedi B. Saǵyntaev.
Osy oraida Premer-Ministr Aqparat jáne kommýnikatsiialar ministrligine múddeli memlekettik organdarmen birlesip atalmysh baǵdarlamanyń ázirlenýin jáne zańnamalyq ózgeristerdi daiyndaýdy jedeldetýdi tapsyrdy.
Sonymen qatar B. Saǵyntaev 2020 jylǵa deiin aýyldardy talshyqty-optikalyq jelilerge qosý máselesin erekshe baqylaýǵa alý qajettigin atap ótti.
Premer-Ministrdiń aitýynsha, innovatsiialardy qoldaý jáne olardy óndiriske jyldam engizý de ózekti bolyp tabylady. Osyǵan bailanysty EKSPO-nyń infraqurylymdyq bazasynda halyqaralyq IT-startaptar tehnoparkin qurý qajet.
«Biz bul tehnoparktiń búkil dúnie júzinen kásipkerler men investorlardy tartýy úshin platformaǵa ainalýyna qol jetkizýimiz kerek. Ol úshin sáikes infraqurylym men qolaily jaǵdailar jasalýy tiis», - dep atap ótti B. Saǵyntaev.
Bul turǵyda Premer-Ministr aqparat, ulttyq ekonomika jáne qarjy ministrlikterine múddeli memlekettik organdarmen birlese otyryp tehnopark qurý máselesin jáne salyq jeńildikteri, jeńildetilgen viza jáne eńbek rejimi túrinde zańnamalyq qoldaý kórsetý máselesin pysyqtaýdy tapsyrdy.
Sonymen qatar, bilim jáne ǵylym ministrligine JOO-lar, Nazarbaev ýniversitetiniń Astana Biznes Kampýsy jáne «Alataý» aqparattyq tehnologiialar parki bazasynda otandyq ǵylymi jáne innovatsiialyq áleýetti damytý boiynsha qajetti sharalardy qolǵa alý tapsyryldy.
Úkimet basshysy Baqytjan Saǵyntaev Qazaqstan ekonomikasynyń negizgi sektorlaryn odan ári damytýǵa bailanysty birqatar tapsyrmalar berdi
Baqytjan Saǵyntaev QR Prezidenti Nursultan Nazarbaevtyń Joldaýyn iske asyrý máseleleri jóninde ótken Úkimet otyrysy barysynda logistikalyq infraqurylymdy, taý-ken-metallýrgiia jáne agroónerkásip keshenin odan ári damytýǵa bailanysty birqatar tapsyrmalar berdi.
Eske sala keteiik, jaqynda Memleket basshysy N. Nazarbaev Qazaqstan halqyna jaqyn keleshektegi elimizdi damytýdyń negizgi basymdyqtary kórsetilgen jyl saiynǵy Joldaýyn joldaǵan bolatyn.
Premer-Ministr taý-ken-metallýrgiia jáne munaigaz keshenin odan ári damytý úshin otandyq ónimdi jetkizý geografiiasyn keńeitip, geologiialyq barlaý jumystaryn belsendi damytý qajet ekenin aitty. Osyǵan orai, Energetika ministrligine jyl sońyna deiin Jer qoinaýy týraly jańa kodeksti qabyldap, salyq zańnamasyna qajetti túzetýler engizý tapsyryldy.
Sonymen qatar, B. Saǵyntaev Memleket basshysynyń tapsyrmasyna sáikes, otandyq aýyl sharýashylyǵy Qazaqstan ekonomikasynyń draiverine ainalýy tiis ekenin aityp ótti.
«Biz ekologiialyq taza azyq-túlik shyǵarý arqyly álemdik azyq-túlik naryqtarynda óz ornymyzdy taba alamyz. «Made in Kazakhstan» brendiniń ózi ekologiialyq taza ónimmen bailanystyrylýy kerek. Búginde biz sýbsidiialardy bólý men jeke qosalqy sharýashylyqtardyń áleýetin paidalana otyryp kooperativ qurýdyń, sonymen qatar, eńbek ónimdiligin attyrýdyń jańa qaǵidalary boiynsha tásilderdi ázirledik. Barlyq mindetter kesheni AÓK damytýdyń jańa memlekettik baǵdarlamasy aiasynda iske asyrylýy tiis», - dedi B. Saǵyntaev.
Budan ózge, Premer-Ministr Memleket basshysynyń jańa eýraziialyq logistikalyq infraqurylymdy damytý týraly mindet qoiǵanyn aitty.
«Bul úshin biz júk tasymalyna erkindik berip, Aziia men Eýropa arasynda transkontinenttik qurlyqtyq hab bolýǵa múmkindik beretin, kólik dálizderin quryp, olardy jańǵyrtýymyz qajet. Nátijesinde biz 2020 jylǵa qarai konteinerlik júkter úshin tranzittik tasymal kóleminiń kórsetkishterin jeti esege, jolaýshylar tasymalynyń kólemin tórt esege arttyrýymyz kerek», - dedi B. Saǵyntaev.
Osy oraida, Investitsiialar jáne damý, Syrtqy ister, Ulttyq ekonomika ministrlikterine alǵa qoiylǵan mindetterdiń sheshimin tabýǵa bailanysty qajetti sharalardy qabyldaýǵa tapsyrma berildi.
