Astanada ótip jatqan «Kazakhstan Global Investment Roundtable» forýmynda QR premer-ministri Baqytjan Saǵyntaev álemdegi munai baǵasynyń tómendeýi memlekettik apparatqa sabaq bolǵanyn aitty, dep habarlaidy "Ult aqparat" Baq.kz aqparattyq agenttigine silteme jasap.
«Búginde biýdjettiń 43%-y shikizattyq sektor túsimderinen qalyptasady. Eger dál osy baǵytty ustana bersek, onda aldymyzǵa qoiǵan maqsattarǵa jete almasymyz túsinikti. Osynaý shikizat salasyna da tehnologiialyq jańartý júrgizip, shyǵyndardy tómendetýmiz qajet. Tipti, qazirgidei baǵa bolyp turǵannyń ózinde mol kiris alýymyz kerek. Munai barreli 100 dollardan asqan kezde bizdiki biryńǵai shyǵystar boldy. Búginde munai baǵasy 60 dollar tóńireginde. Degenmen biz 40 dollar bolǵanda da ómir súrdik. Biýdjetten artyq shyǵystarymyzdy alyp tastadyq. Al bul bizge kóp dúnieni úiretti», — dedi Úkimet basshysy.
Osy oraida Baqytjan Saǵyntaev shikizattyq sektordaǵy basymdyq únemi basty nazarda bolatynyn jetkizdi.
«Biz Qudai bergen basymdyqty joǵaltqymyz kelmeidi. Alaida básekege qabilettilik arta túsýi qajet. Sondai-aq álemniń damyǵan 30 eliniń qataryna qosylý úshin ekonomika ósimin 6-7% kólemine jetkizemiz desek, onda ekonomikamyzdyń ósim draiveri bolatyn jańa salalar da kerek. Al bul jerde ázirlemeler men jańa tehnologiialarsyz eshqaida bara almaisyń», — dedi ol.
Sonymen qatar premer-ministr qazirgi tańda biznes ókilderi ǵylymǵa investitsiia sala bastaǵanyn aityp ótti.
«Qazirgi tańda ǵylymi ázirlemelerge suranys artyp keledi. Buryn oǵan eshkim qaramasa, qazirgi ýaqytta bul salaǵa úlken qajettilik týyndap otyr. Biz muny kórip otyrmyz. Sondyqtan atalǵan baǵytta jumys isteýdemiz», — dep túiindedi sózin Baqytjan Saǵyntaev.
