QR Premer-Ministri Baqytjan Saǵyntaev tondardy tańbalaý siiaqty sharalardy der kezinde qolǵa alýdy tapsyrdy. Sebebi biýdjet milliardtaǵan salyqtan qaǵylyp otyr. Bul týraly ol búgin Úkimet otyrysynda aitty, dep xabarlaidy Ult.kz tilshisi QazAqparat agenttigine silteme jasap.
"Shyny kerek, biz eki jyldy ótkizip aldyq. Al bizdiń áriptesterimiz - Resei men Belarýs eshkimge qaramai, tondardy tańbalaýdy birden bastap ketti de, osy ýaqytqa deiin milliardtaǵan aqshany biýdjetke túsirdi. Kóleńkeli ekonomikany azaityp, aqsha ainalymyn ashyq júrgizýdiń birden-bir joly - osy. Biz bolsaq, endi ǵana qolǵa alyp otyrmyz. Úsh kún boldy, 60-aq tondy tańbaladyq. Ashyǵyn aitý kerek, biz kei kezde biznestiń jeteginde ketip qalamyz. Sóitip, eki jyldy ótkizip aldyq. Qazir pilottyq jobany qolǵa aldyq. Endi, ony aiaqtap, barlyq salaǵa taratamyz degenshe taǵy ýaqyt ketedi", - dedi Baqytjan Saǵyntaev.
QR Qarjy ministri Baqyt Sultanovtyń sózine qaraǵanda, taýarlardy elektrondy tańbalaý aiasynda aldymen tondardy tańbalaý jobasy qolǵa alyndy. Pilottyq joba 27 qarashada bastaldy. "Qazirgi kezde elektrondy júiege 20 kompaniia qosyldy. Úsh kúnniń ishinde 60 ton tańbalandy. Kelesi jyly osy jobanyń negizinde basqa taýarlardy tańbalaý sharalary da bastalady", - dep atap kórsetti Sultanov.
